【武漢肺炎】駿洋邨準住戶夥原居民開大會 籲鄉委會「吹雞」反對

更新時間 (HKT): 2020.02.09 00:30

村民大會在火炭桂地新村村公所召開,約80人出席,包括沙田鄉事委員會主席莫錦貴,其間有持防暴槍的防暴警察在外監視。有村民質疑鄉委會接受以駿洋邨作隔離營,莫錦貴否認,稱事前並不知情。有村民批評政府沒徵詢民意,做法霸道,「係霸權政府」、「當我哋全部人死嘅」。警方昨日凌晨用大量水馬包圍駿洋邨,防暴警察又設路障,有村民要求立即搬走水馬及撤走路障,「唔好令到村民恐慌」。

有桂地新村村民強調,「我哋民意係一致反對」,直斥特首林鄭月娥反口,又批評港府一直拒絕全面封關。有村民指,除了原居民和駿洋邨準住戶外,鄰近也有數十萬人在工廠上班,「一惹到仲X街,全部死晒」。有村民建議用解放軍軍營作隔離,也有駿洋邨準住戶認為新屋嶺更合適,「我哋要求好簡單,就係唔好要用駿洋邨(作隔離營)」。

有村民表明,會監視政府有否搬相關物資進入駿洋邨,並計劃周一(10日)發起遊行抗議。有村民呼籲鄉委會動員反對,「你吹雞就得」,有人更揚言會封邨阻止。莫錦貴聲稱,會向鄉議局及有關政府部門反映,「我會用自己方法去做」。

除了桂地新村民等村民外,約30名駿洋邨準住戶也一致反映該邨被徵作隔離營,也擔心當局強行安排被隔離人士入住,引起健康問題。當區區議員麥梓健表示,沙田區議會今早11時將召開特別會議,討論隔離營事宜,下午4時則會召開火炭居民大會,收集意見及喚起社區關注。

《果GYM》隨身播  健身壹App過!

一格照片,一個故事,Follow蘋果Instagram!
BannerBanner