【李八方online】網友戥朱經緯唔抵 疑跣PK鄧一鑊被封復仇朱

更新時間 (HKT): 2020.02.19 00:25
右圖為「乜PAGE」facebook專頁圖片
(互聯網)

呢半年嚟,警隊所犯嘅警暴遠超當年朱Sir嘅水平,唔少人都戥阿朱Sir唔抵,所以網友就懷疑朱Sir係故意將啲片同相流出,向PK鄧復仇,facebook專頁「乜PAGE」更加為朱Sir整咗張《復仇朱》電影海報。不過朱Sir究竟係有心做復仇朱,定係唔小心做咗豬隊友,就只有朱Sir自己先知喇。

至於警方,日前為PK鄧解釋只係出席私人宴會,冇用過公帑。但係公眾嘅質疑,好似係佢學成龍做警察呀,跟曾志偉學講嘢呀,同埋任由與會者「損害香港法治」喺室內吸煙就一概唔回應,搞到議員都相當不滿。警方噚晚又出公告,唔點名回應《蘋果》星期二(18日)報道指警方發信威嚇傳媒機構,而佢哋就解畫,只係「希望說出事實,並讓有關傳媒機構了解警方的工作及警隊的關注」。

對於警方話「有責任向公眾解釋事實,以免市民誤解警方的工作」,其實傳媒一向對警方嘅工作都好想深入了解,例如係好似警例呀、警隊使用武力指引咁,但係警方一直都冇回應,再唔係叫你去搵PPRB問,然後又叫你去警察投訴科投訴,最後其實都冇解釋過啲乜。

至於警方又話「為了讓市民真正了解警隊的工作,警隊主動提高工作透明度」,相信呢啲都係市民喜聞樂見,但係市民依家見嘅警隊,唔係戴晒面罩口罩頭罩眼罩,就係個頭同對手一支二支強力電筒射嚟射去,再唔係就連委任證都冇張,唔知佢透明咗啲咩,定係將市民同傳媒當透明呢?傳媒又何嘗唔想令警方做嘢更加透明,再對比返朱Sir嗰陣,朱Sir有冧把又有晒樣,就真係透明好多喇,真係難怪網民都替佢不值。

最後,八方奉勸克警,事不離實,信中措辭好明顯是試圖威嚇,不過達唔到效果啫!如果收封信都驚,《蘋果》記者點出去衝鋒陷陣!警方要讓市民正確了解其工作,做法好簡單:唔好阻礙記者採訪!

《果GYM》隨身播  健身壹App過!

一格照片,一個故事,Follow蘋果Instagram!
BannerBanner