隔牆有耳:港版火神山被爆膳食頹 - 李八方

更新時間 (HKT): 2020.03.05 02:20

大陸為咗對抗武漢肺炎疫情,喺武漢快速起咗個臨時嘅武肺專科醫院火神山醫院,而早排港府就有樣學樣,將鯉魚門公園度假村改建做臨時緊急隔離中心,好多網民叫呢個係港版火神山,但呢個港版火神山係點?隔離營生活係點?有被送入去隔離嘅網民喺fb開po,講明14日限定,記錄港版火神山入面嘅生活。

記錄14日隔離生活

呢個叫「火神山上的男子」專頁,係一個喺鯉魚門公園度假村隔離嘅網民開,佢自嘲係「首批上樓住戶,感謝黨感謝中央感謝香港特區政府」,不過佢叫大家唔好預期14日隔離有乜高潮起伏,又或賺人熱淚嘅抗疫故事,因為佢強調其實冇病,暫時亦冇咩病徵。佢個專頁暫時得幾篇文,都係講吓入面嘅設施,仲有港版火神山嘅一日三餐食乜(圖),仲講笑話食落有種兒時嘅味道,諗起「中學食到嘅Lunch」同「大學頹飯一樣誠意嘅烹調」,仲講笑話入去住唔止可以抗疫,直頭可以抗衰老。

一格照片,一個故事,Follow蘋果Instagram!
BannerBanner