隔牆有耳:獄中來的「破蛋」勉傳媒抗高牆 - 李八方

更新時間 (HKT): 2020.04.28 02:20
盧建民筆下破蛋而出嘅Pepe同連豬,為市民同醫護打氣。

近日社會不同人士同唔少網上KOL、甚至一眾連登仔都呼籲人訂閱《蘋果》,為香港人守住一份無懼打壓、敢講真話嘅傳媒,八方亦相信你雞蛋與高牆,有良知嘅香港人永遠選擇雞蛋一方。《蘋果》副社長陳沛敏早排就收到盧建民「影攝食」嘅來信,佢鼓勵《蘋果》同《眾新聞》、《立場新聞》等良心媒體,喺疫症同極權交迫之下,一定要撐住,唔好輸畀呢個麻木不仁嘅政權。

作品周六石硤尾展出

影攝食雖然身陷牢獄,但係早前復活節亦專誠畫咗一張心意卡,用雞蛋比喻香港人,一定可以振翅高飛,度過疫境。「影攝食」相當有心思,張卡嘅底面分別畫咗破蛋而出嘅連豬同Pepe,仲幫香港市民同醫護打氣,「鳳凰重生、疫境重生!」

影攝食仲話,香港唔可以冇咗抨擊政權、不向惡勢力低頭嘅報紙,如果失去咗呢啲良心媒體,香港只會淪為一國一制。佢會繼續吩咐朋友為自己訂閱《蘋果》,八方係度向感謝影攝食,亦會如佢所言「不氣餒,不失望」,復活香港。另外,石硤尾賽馬會創意藝術中心周六舉行嘅「香港國際攝影節2020衞星展覽」會展出「影攝食」嘅作品,當日主題係「再想像香港爬山共同體」,到時有劉偉聰大律師等人出席講座,有興趣嘅市民當日可以去參觀。

一格照片,一個故事,Follow蘋果Instagram!
BannerBanner