隔牆有耳:拆走洗腦橫額 條街「順眼晒」 - 李八方

更新時間 (HKT): 2020.07.10 02:20
港版國安法實施後,西環街頭湧現大批撐港版國安法嘅非法橫額。

民主派光復區會之後俾政府陰謀削權,工作難開展,但至少鏟除到違規洗腦banner。嗱嗱嗱,大家最近行街時,有冇見到一啲無名無姓,寫住「國家安全法 保護一國兩制 還香港穩定」嘅橫額?原來呢批橫額未必全部合法。去年11月區選成功光復西環選區,踢走民建聯副主席張國鈞嘅彭家浩,最近發現區內突然湧現大批支持港版國安法嘅非法橫額,佢向食環署同地政署反映後,最近成功清走呢啲非法橫額。

彭家浩話,由於非法橫額嘅數量龐大,令佢覺得背後係有國家機器,試圖透過以本傷人嘅方式宣傳,所以即使明知非法橫額會被人拆走,都要夾硬展示以惹起巿民關注。佢個人覺得,不論呢啲非法分子掛幾多橫額都好,始終都係收買唔到人心,「因為香港民意好清楚,普遍香港人都係唔接受呢條惡法」。有網民大讚彭家浩「good job」,另有人話拆咗橫額後,「當場順眼晒」。

一格照片,一個故事,Follow蘋果Instagram!
BannerBanner