《完全搞笑手冊》致鄧炳強 
彭志銘︰學做高明擦鞋仔

更新時間 (HKT): 2020.07.19 02:20
彭志銘建議鄧炳強讀《完全搞笑手冊》,以高明技巧當個人見人愛的擦鞋仔。

早前警務處長鄧炳強接受央視訪問,以字不正腔不圓的普通話解釋港版國安法立法後,港警會以特別部門執法;有次被問到甫上任便面對反修例挑戰,有何感想,他豪言︰「我覺得係時代揀中咗我」。次文化堂社長彭志銘說:「我覺得鄧炳強講嘢幾好笑,佢唔止講嘢好笑,連做啲嘢都好好笑,但佢啲笑,我哋覺得係失笑,所以希望介紹呢本書畀佢,學吓點樣有質素嘅搞笑。」他的心水是1995年由次文化堂出版的《完全搞笑手冊》,「呢本書應該好難買得到,如果鄧炳強處長畀個like我,我就會赴湯蹈火幫佢搵呢本書送畀佢」。

言論自由世代 《老懵懂》大賣

《完全搞笑手冊》是1995年由香港橋王黎文卓所寫,他曾任《歡樂今宵》等多個綜藝節目編劇。彭志銘尤其推薦書中一段說如何做擦鞋仔,講述當時劉天賜是無綫製作總監,其上司是總經理陳慶祥,在公司人稱大陳,「喺七、八十年代,中國有句說話,你要發展工業就學乜乜大寨,山東大寨、吉林大寨等,劉天賜講『我哋TVB就學大陳』,令陳慶祥好高興,個氣氛好好,又捉到社會連結……唔係話我睇你啲戲學做警察,呢啲咪失笑,唔高囉!」

一格照片,一個故事,Follow蘋果Instagram!
BannerBanner