「姜糖」落10日小廣告 撐姜濤兼撐言論自由

更新時間 (HKT): 2020.09.07 02:01

8月11日起,大家突然多了個看報紙廣告的習慣,歌迷F小姐(化名)則多了個落廣告的習慣。她在《蘋果》一連十日落了一則分類小廣告,寫上「姜濤不紅,天理不容」,八粒細字擲地有聲,成為網民熱話。有電台DJ都在節目中討論,連登討論區的巴絲都好奇誰是姜濤?後來F小姐再追加九日刊登了附有QR code的分類小廣告,說要在疫潮之下以姜濤的新歌《蒙着嘴說愛你》為港人打氣。

「其實最初好簡單,我一心想登廣告撐《蘋果》,但我又唔係公司冇product要sell,想輕鬆啲冇咁政治化,就落無厘頭句子,我又想人支持姜濤,咪同細佬、妹一齊夾落分類小廣告囉,一日90蚊,一連落10日。」F小姐說,礙於版位有限,她只寫八字。


為追星走出情緒谷底

姜濤2018年參與ViuTV的《全民造星》比賽勝出出道,憑其甜美笑容收服不少媽媽級fans,以往其粉絲都會自稱「姜糖」,而「姜濤不紅,天理不容」並非F小姐自創,而是fans圈內流傳已久的金句,作者已不可考。

F小姐細說迷上姜濤有千萬個理由,豈止外形、歌聲與舞技,「佢由《全民造星》出道,我哋好似睇住佢大咁,見證佢真係好努力,由200磅肥仔減到依家咁樣,同埋年輕人嚟計,好少好似佢咁謙卑,咁有禮貌,我自己都有個仔,佢都未必會咁樣……(下刪一萬字讚賞)如果唔紅真係冇天理」。

F小姐笑說自己年輕時迷黎明也沒這樣瘋狂,幸好丈夫和家人都很支持她追星,只是起初兒子不太習慣,媽媽迷上一個跟自己年紀差不多的明星,但這次分類小廣告的QR code都是阿仔負責。首十日花了900元製作的分類小廣告帶來的討論,猶如雪球般越滾越大,還吸引其他「姜糖」提出與她一起夾份再落大一點的廣告,附上新歌QR code連結,讓報紙再走回線上。

「估唔到咁大迴響,原來有好多人未聽過姜濤,睇YouTube留言先知好多人因為呢個小廣告而去睇佢個MV,我都好開心!」F小姐解釋,ViuTV資源不多,所以過往「姜糖」都經常會自掏荷包,每當姜濤一有新歌推出,便會夾錢為偶像在港鐵燈箱登廣告、在時代廣場的大電視播新歌MV,甚至連偶像出席商場活動或小型表演,fans會自行印刷明信片,在商場內派發給途人,力谷宣傳,沒想到今次小廣告的「姜濤不紅,天理不容」猶如咒語,深印人們腦海。

F小姐笑說自己行為上算不上最瘋狂的粉絲,「我未試過去排通頂,未試過追星追到去廣州,未試過買好貴嘅相機追星」。但姜濤的歌曲曾帶她走出情緒病的低谷,回想有次哭得厲害,突然間聽到YouTube在播姜濤新歌,「跟住我就叮一聲咁諗到,我未學識跳姜濤新歌《蒙著嘴說愛你》嘅signature move,再諗到歌詞,做甜品師傅,化掉這點苦,我唔可以死住,跟住我唞順條氣就行返出去。第一次咁快可以平靜到,第一次俾啲咁虛無縹緲嘅嘢令我有返生存意志」。她想別人知道,追星不一定無聊,也讓她有所寄託。

透過廣告宣洩不滿

F小姐回想自己從《蘋果》創刊已是讀者,一看廿多年到近年全家都網上訂閱,成為VIP訂戶,但已有近十年沒有購買實體報紙,因為搜報館事件重新買報,「見到黎生被人拉,又見到搜報館,睇到好心痛、好唔開心,其實我同細佬妹都已經訂晒《蘋果》同《壹週刊》,咁仲可以做啲咩呢?咁就諗到不如落廣告啦」。

她說以往實體報紙廣告與自己沒有關係,看見都只會想翻走,但《國安法》之下,言論空間收窄,廣告變成香港人自由表達的平台,宣洩內心不滿,「可能有啲嘢唔敢講,變咗要喺廣告曲線咁表達」。但她同時欣賞香港人的創意和不屈不撓精神,廣告亦是「一個渠道畀我去了解現今社會嘅真實情況,即係我見到銀髮族今日(8月20日)登嘅廣告,我會覺得唔係全部長者都係藍,或者唔講道理嘅,有啲都好明事理,好幫香港嘅年輕人」。

她亦感受到報紙廣告的威力,在她的分類小廣告出現的第十日,姜濤在其IG Story將廣告貼堂,還留言寫上「不為別的,只為了謝謝這一位很有心的歌迷」。F小姐沒有寫信,憑分類小廣告寄意,終於等到K(Keung)先生的回信。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

一格照片,一個故事,Follow蘋果Instagram!
BannerBanner