陳日君痛心學校受壓宣傳國安法 
嘆教區「管唔到」憂天主教名字被消失

更新時間 (HKT): 2020.09.11 02:00
■陳日君昨出席網台節目時直言,在《校本條例》下教區已無法管治學校。

【極權進逼】

【本報訊】政府連番對教育界施壓,近日有報道指有教會學校被迫配合政府宣傳國安法, 天主教教區榮休主教陳日君樞機直言在《校本條例》下,天主教香港教區已「管唔到」學校,對有關事件「痛心又緊張」,更不排除日後學校名稱中的「天主教」三個字會被移走,認為社會若想保留天主教學校的價值,須靠家長和教師在校董會爭取。

陳日君昨於網台節目中直言,在《校本條例》之下,即使教會學校被迫配合政府宣傳國安法,教區已「管唔到」學校,「我哋又痛心又緊張,因為幫唔到」,對於港府逼學校配合政府的鎮壓言論,陳日君說在大是大非面前,大家要問自己的良心「究竟企邊一邊」。他又指,現時很多香港人的自由被剝削,「連言論自由都冇,呢個係一個侮辱,因為喺言論自由嗰度,先能表達出人嘅尊嚴。」

指「唔可以跟強權講大話」

陳日君坦言現時天主教學校名稱中「天主教」三字,日後也可能會被移走,「我諗好快有一日呢,我哋可能要話對唔住,我哋唔係辦學團體嘞,(間學校)係校董會辦㗎喎。」陳日君認為,社會若想保留天主教學校價值,須靠家長和教師向校董會爭取。

對於天主教香港教區宗座署理湯漢樞機早前向所有神職人員發家書,提及神父講道非傳達講道者個人觀點,例如對某社會或政治議題的見解。

陳日君被問到神職人員就政治議題發表意見是否有問題,他反問:「咩叫做政治呢?𠵱家我哋教會話,人係應該關心政治喎,𠵱家問題係政治係有不同立場,全個香港分裂嘞,你教會可以唔分裂嘅咩?屋企都分裂嘞,係咪先?」陳日君強調宗教自由和其他自由不能分開,「如果一個地方冇宗教自由,係完全冇自由。」天主教信仰並無要求教友一定要與強權硬碰,「佢拉你、打你,你可以忍受,你抗議有自由,但唔可以跟佢講大話。」

另外,陳日君被問到民主派未來一年應否留任立法會,他直言不應該:「唔好留啊,點留?留乜嘢啊?」

「流咁多血 留任立會有矛盾」

他又指立會議員四年任期已完結,現應進行新一屆立會選舉,「𠵱家應該選新㗎嘛,點到你留唔留啫?」又指現時政府推出的是「非法的臨時立法會」,「我哋流咁多嘅血,之前流過汗、流過淚,要嘅就係真普選,你𠵱家接受佢嘅委任?我覺得真係有啲矛盾。」

同場主持節目、並主張民主派留任立法會一年的工黨李卓人則指,同意政府現時的安排「原則上係非法」,但稱有人擔心如果民主派拒絕延任,政府將可以在無反對下通過任何法例,「一年後可能仲衰啲」。陳日君則質疑議員留任一年的成效,「我諗任何一個簡單嘅人,睇到𠵱家嘅情形,嗰啲所謂留喺度的人,可以做乜嘢?大家企起身衝上去,咁俾佢拉幾個去,甚至告你,你做兩星期咪冇得做囉!」陳日君認為即使不進入立法會,未來亦可以在議會外進行抗爭。

一格照片,一個故事,Follow蘋果Instagram!
BannerBanner