天氣轉涼秋意漸濃 服裝店夏季衫減價清貨 市民主攻絲巾薄外套

更新時間 (HKT): 2020.10.18 18:38
本報記者攝

颱風襲港過後氣溫顯著轉涼,雖然早上天氣稍涼,但中午溫度仍一度高達攝氏28度。有市民表示,日夜溫差較大,會自備薄外套出門,也有市民表示天氣仍舊炎熱;而一些小店亦開始減價促銷夏季衫,希望藉此增加生意額。

身穿長袖衣的謝小姐表示,出門前會先留意天氣報告,「今日本身(天氣)有少少涼,但而家反而有少少熱,不過如果行返室內地方,唔曬住都OK。」又指已開始準備秋季衫。同行的吳先生表示,並沒有特意準備外套或長袖衫,「呢排都仲係好熱,都係keep返夏天啲衫先。」他稱仍希望買夏裝,惟大部份連鎖時裝店已推出秋冬裝,「想買都買唔到,其實我而家出緊汗。」兩人謂因為疫情關係,已減少出外聚會,也對第四波疫情爆發感到憂慮。

王小姐表示,今早出門前感到有秋意,故選擇穿針織短衣,「而家有啲熱囉,但天氣都預計唔到。」她指,下星期氣溫再降後,會帶備薄外套出門,她又稱已準備好秋冬衫,「但執咗啲冬天衫出嚟,熱又着唔到。」至於會否購置新衣,她則稱要再視乎天氣的轉變,「唔知會涼幾耐,同係咪真係keep住涼。」她又指,原先有考慮過重陽節到郊外遠足,但擔心天氣熱會導致中暑。

一身運動裝扮的黃小姐表示,未有刻意「轉季」,但出門前會另備薄外套,「始於夜晚都有少少涼。」她說已選購好秋冬裝,「主要都會買返啲薄少少嘅外套,但入面都可能係着返啲背心、短袖。」

夏天衫減價促銷 刺激消費

在尖沙嘴開設時裝店的何老闆表示,限聚令放寬下客流量較以往多,生意額回升。天氣轉涼,店舖的夏裝亦開始減價促銷,「始終香港嘅氣溫唔係咁涼。」何續指,消費者主要購買薄外套及絲巾,「啲客對秋冬裝都有需求,始終(客源)都係上班族居多。」

何老闆謂難以預計未來的生意額,因要視乎香港會否爆發第四波疫情,惟期望市道可盡快復蘇,可以刺激本地消費,共渡時艱。

「黃店」Chill SJ負責人Steve表示,現階段大部份港人都未開始購入秋冬裝,但人流已較以往多,「啲人多數嚟買下啲清貨、夏天衫多。」雖然預期今年冬天會較往年寒冷,但現時香港天氣仍未轉涼,「香港人未覺凍都唔會買衫」、「睇(秋冬裝)就有,買嘅都係夏天衫」。

Steve謂以往農曆新年前夕均為港人購冬裝的「黃金時段」,但今年生意仍難以預計,「(生意)都受到疫情打擊好大,都希望會係好嘅,始終香港人都想換裝。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner