香港土生土長70年 毛漢嘆西環治港「當然唔好」

更新時間 (HKT): 2020.10.19 00:03

近來社會正回復正常,毛漢認為與去年相比,已不需要再用強硬手段,但有時亦會感到警力過多有如戒嚴,「好似10月1號,嘩,攞晒好似機關槍咁嘅嘢,喺個地鐵行出嚟通街都係差人,係咪必要先?」歸根究柢,他覺得問題癥結是繼續以警隊解決政治問題,卻不去修補關係,情況反映一個政府本質軟弱,亦深知民意傾斜向年輕人一邊,「如果係強大嘅政府,唔需要任何形式嘅armed police(武裝警員)去企喺前面,佢可以自己面對。」

在香港土生土長70多年,他感嘆好像看到香港的權力不再在港府手上,不宣之於口也幾乎人所共知「西環 is in charge」,「咁呢個好唔好呢?當然係唔好啦,我諗之前董建華、曾蔭權、梁振英年代都唔係咁,咁點解要行到呢一步呢?」

爆有高官因身份問題只能遵從政策

他曾向一些高官直言,現時社會更為兩極,但不見政府有行動去修補關係,與年輕人漸行漸遠。今年移民潮再現,他指人才、資金流失其實是香港「蝕底」,而一個人若選擇離開家園,「一係唔愛一係覺得無將來,咁政府要自問,點解啲人要走?唔可以話你咪走1萬個囉,我喺大陸捧返1萬個過嚟,咁唔好搞50年不變啦,即刻收返啦。」

他知悉,有些高官其實心底很在乎,但不能公開表達己見,因身份問題只能遵從一切政策,亦間接反映,香港或許已不再是可以由衷發言之地。

當香港面對從來未遇過的難題,若要改變現況,他指可能有待特首換屆才會有不同處理手法,「我唔係話林太係一個衰人,可能佢唔可以推卻工作⋯⋯咁講抗疫,我覺得佢做得好好;但簡單啲講就係香港需要新血,要 a breath of fresh air(一口新鮮空氣)。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner