何君堯指若遭英律師管理局DQ:係整個英國政府嘅損失!

更新時間 (HKT): 2020.10.22 19:14

建制派立法會議員何君堯2017年於「革走戴耀廷吶喊大會」將港獨人士形容為:「呢啲人唔殺咗佢做咩」,又在屏山鄉委會主席曾樹和高呼搞港獨者必須要「殺」時附和說「無赦」,規管英國律師事務的律師管理局決定於12月召開聆訊,調查何涉嫌專業不當行為,倘成立或剔除其註冊律師資格。何君堯回應時否認鼓吹暴力行為,指局方若一意孤行取消其律師資格,「損失嘅唔係何君堯,係整個英國政府!」

何君堯接受《蘋果》查詢時稱,自己早已澄清有關「殺無赦」的言論,稱自己從來沒有鼓吹暴力行為,有關「殺無赦」的說法只是解釋「任何人干犯嚴重罪行,不得寬恕……所以係有(干犯)殺人(罪行)嘅,係不得寬恕咁解」,他批評英國政府未有清楚理解他的說話,「連呢啲咁基本嘅嘢都搞唔清,仲要事隔兩年後,仲要嚟追究呢件事?我覺得好值得遺憾。」

何君堯稱,相信屆時毋須親身飛往英國進行答辯,但會參與網上聆訊,並已提交抗辯書,據理力爭。被問到一旦被裁定取消律師資格,他會否不高興?他指:「我每日都咁開心,面對呢啲挑戰,心情(固然)會緊張,但就算跌親都好,唔開心係正常嘅。」

而何君堯回應港台記者問及,英國執政保守黨人權委員會成員裴倫德(Luke de Pulford)曾去信促褫奪其博士學位時則指對方「淨係想集中火力攻擊佢」;裴倫德則在社交媒體極速回應,指何若收回對其他議員的死亡恐嚇、就7.21事件道歉、譴責其「黑社會朋友」,並支持五大訴求,他便會停手。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner