張:被罵「廢」「食屎」嬲到手震

更新時間 (HKT): 2020.11.14 02:00
■被告張祺忠被控在港大宿舍偉倫堂殺死妻子陳慧文。

【本報訊】張祺忠日前供稱三十年婚姻愉快,但亦不時與妻子爭吵。他昨指2017和2018年間,每兩三個星期至一個月,妻子就會為工作事情罵他,例如叫他把宿舍事務交給別人代勞、埋怨他不尋求升職等等,用上「靠你就揸兜都得啦」、「食屎啦你」,「你仆街啦」等字眼,張感到侮辱。他又指,數年前妻子曾叫他為女兒找份大學工作,責罵他:「搵份工畀個女都唔得,你真係廢㗎喇。」

辯方昨請張舉例,張說有時晚上要就宿舍事務開會,妻子指宿舍有導師,「你都唔識做嘢嘅,梗係畀下面啲細嘅做」;他解釋有些事情必須身為舍監的自己出馬,惟妻子會罵:「你都廢嘅,點做嘢啫你!」張說通常聞言會很憤怒,離開現場或關門獨處。

遭怨無幫女兒在大學求職

有次妻子說他工作繁重,為何不要求升職,他說升職不是這樣做,妻子怒罵:「咁你仆街啦!」其他惡言相向的例子,像「靠你就揸兜都得啦」、「食屎啦你」,令他感到非常侮辱。案發前一個月去英國旅行,張揚言不再跟妻子外遊,張昨解釋是發晦氣。

張又憶述,2012年女兒從英國畢業回港,妻子不滿女兒加入舊同學新創立的電子競技公司,遂指摘張,認為他應找一份更好的工作給女兒。兩年後女兒離職待業,妻子埋怨他不在大學找工作給女兒,他解釋不可行,但妻子侮辱他「廢」,「佢話你做咗廿幾年,搵份工都搵唔到咩?甚至乎要我代個女申請份工作。」辯方問張與子女關係如何,張形容很好,比較緊張女兒,但對兒子同樣關心。

儘管爭執時言語激烈,張自言「嬲到手震」,但兩人從沒拳腳雙向,「通常我聽咗就算㗎喇,但有時就會駁返佢一句囉,你都唔知發生乜事,唔好講咁多啦!」

張自言脾氣「易𤷪」,例如2014年10月初佔領運動期間,他是大學教師工會幹事,用電話訊息商討職工會聯合聲明內容時,「Tina(妻子)見到,就叫我唔好理呢啲嘢啦,咁我就好嬲喇,話咁大家都唔好用電話啦」,然後把室內無線電話和基座拋出窗,他發怒因做正經事卻被勸阻。他試過兇惡地責罵下屬犯錯,事後向對方致歉。張自覺越來越易動怒和不滿,會自言自語和擲文件。

辯方提及張在案發前10年間消瘦17磅,張稱:「周圍啲人都話我瘦咗,但我自己唔知點解。」前年4月張感染細菌,入院兩周,張憶述發高燒40℃,要卧床吸氧。

一格照片,一個故事,Follow蘋果Instagram!
BannerBanner