張祺忠兒子出庭為父作證 指母親心直口快易得罪人

更新時間 (HKT): 2020.11.19 01:18

港大機械工程系副教授張祺忠殺妻藏屍案,張祺忠已完成自辯,辯方傳召其兒子張思博出庭擔任辯方證人。張思博供稱,父親於案發前一兩年開始消瘦,情緒起伏變大。他曾見證父母爭執期間,母親斥父親收入不高,全靠她投資賺錢才不致「揸兜」。辯方大律師問兒子有何感想,他表示覺得不太公道,「我自己都覺得我媽媽咁樣講都唔係好fair嘅」,「我自己覺得我爸爸個收入唔會好似佢講到咁差」。他亦形容母親「比較口直心快啲,好容易講咗啲嘢令到人唔鍾意或者唔啱聽」。

辯方傳召張祺忠兒子張思博為證人。張任職政府牙醫,自言與父親關係很好,小時候父親關心他的學業,他遇上工作和學業問題時,會問父親意見,日常生活上父親也很照顧他,例如會為他煮早餐和接載上班。

母親會講粗口如「仆街」「廢」之類

張思博稱,父親從不體罰他和胞姊,母親則會用籐條管教,但他和母親關係同樣良好。他形容母親性格熱情,易交朋友,關心身邊人,「但係佢比較口直心快啲,好容易講咗啲嘢令到人唔鍾意或者唔啱聽」。他舉例指母親關心外婆健康時,會指出不做運動會有甚麼問題和毛病,「婆婆會覺得佢話緊佢、咒緊佢咁,就會好唔高興」。

張同意母親意志很強,會努力達成個人目標,想子女做某些事時,也會用盡一切辦法。如果別人不跟從她的意見,「通常佢就要係咁煩住我哋,要我哋跟佢方法為止」。他指母親較多與娘家家人爭拗,「通常我媽咪講咗啲嘢,令到第二啲人唔啱聽或者想糾正,就會嘈起上嚟」,激烈起來雙方都會發怒,母親有時會講粗口,會責罵「仆街」、「你去死啦」、「冇用」、「廢」之類。

他續指,母親經常改變主意,然後期望別人跟隨她的計劃。例如有次一家人帶寵物狗往絕育,到達獸醫診所後母親卻變卦,經一輪爭論後他們放棄替狗兒絕育。張稱:「我哋都有表達過佢咁樣轉嚟轉去,我哋都唔鍾意。」但母親沒有改變。

父親被整蠱後表現煩厭

至於父親,張指父親待人友善有禮,樂於助人,有時宿舍學生深夜求助,父親也很樂意幫忙。惟張指案發前一兩年父親消瘦,曾經大病,「睇得出佢都好攰嘅,尤其佢做嘢做到好夜嘅時候」,情緒起落也變大,「對所有嘢個人都易咗嬲呀,易咗燥呀」。

他舉例過往曾整蠱父親,「因為爸爸頭髮比較少嘅,飲水嘅時候會灑少少水喺佢頭頂度」。父親一向不介意,笑笑口像跟他玩,惟2018年有次父親表現煩厭,令他有點意外和嚇到,自此不再這樣做。

親戚聚餐時母提及全靠她投資

張祺忠早前供稱不時與妻子爭執,張思博的說法亦一樣。他指案發前兩年,父母越來越多爭執,在不同時間地點都會發生,更越來越激烈,父親很少反駁,多數會行開冷靜。

有次出行,母親想他駕車多加練習,但他見大雨又不熟路,所以拒絕,母親就不停在父親耳邊要求給他駕駛,終於父親在一個巴士站突然停車,「睇得出佢係好嬲咁嘅樣」,然後下車走開,叫母親和他先決定好再算。

張續說,見證過母親指父親收入不多,全靠她投資,否則會「揸兜」,態度比較兇惡。母親有時更會在親戚聚餐時說起類似話題,稱靠她投資家庭才能負擔過活。張指父親沒有怎樣反駁,「但睇得出佢反應有啲唔鍾意呀,有啲嬲咁」。他從旁看在眼內,覺得母親的批評不太公道,「唔係好fair」,「因為我自己覺得我爸爸個收入唔會好似佢講到咁差」。

他又指,母親熱衷投資股票,有時會向他分享賺到錢,又邀請他合資買股票。審訊明續。

【案件編號:HCCC292/19】

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner