DR毒針案|女醫生罪成 截肢苦主未釋懷:心中一塊大石仲未放低

更新時間 (HKT): 2020.12.02 00:05

DR醫學美容一死兩傷事故,女醫生麥允齡被控誤殺罪成還柙候判。DR案其中一名受害人教師王靜波,其雙腿和4隻手指需截肢,她接受《蘋果》查詢時表示,負責為她注射含菌血製品的麥允齡必須對事件負責, 「如果唔判佢刑,我都唔服」。

王靜波憶述,出事當日她是最後一個接受療程,之前已有兩人接受療程後不適,一人已入院,另一人在隔壁房間,但麥依然為她注射相關血製品,「明知啲血有感染之下都係咁樣做,係好唔應該,無醫生嘅道德,你行醫你唔可以連呢啲道德都無。你唔可以話係照上高講去做,你係醫生嚟,呢啲最基本嘅道德都無,唔配做醫生。」

相關報道:DR醫學美容一死兩傷事故 女醫生誤殺罪成還柙候判

DR事件於2012年發生,官司拖拉至今8年,今年10月坐着輪椅的王靜波,曾就麥允齡一案出庭作供。被問到麥允齡被定罪後,事件是否總算有個完結,王靜波直言,「對我嚟講仲未了結,依家過日子都有困難,心中一塊大石仲未放低」。事發後王靜波不能再任教師,由一名健康人士變成失去雙腿終身要坐輪椅,連照顧自己都有困難,無法如常生活,生活及經濟陷入困境。

「人哋成日話打官司要十年八年,呢單官司真係拖咗八年」,她希望案件的刑事部份盡快完結,可讓她展開民事索償程序,「我都唔想要呢個賠償,你畀番個健康嘅身體我,但依家已經無可能。我真係無辦法過日子,你賠償畀我,都還唔到一個健康身體畀我,都還唔到健康嘅身心畀我」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner