李八方online︱林鄭籲留家都要減少聚集 連登寸爆離地:個個都住成座禮賓府呀?

更新時間 (HKT): 2020.12.15 12:02

特首林鄭領導下嘅班子,抗疫有幾咁得力?睇下疫情點樣爆完一波又一波就知,堅持唔封關藥石亂投,市民唔嬲就假。今日林鄭行會前講抗疫,又有句嘢超級離地,佢話雖然冬至同聖誕將臨,市民都對抗疫唔好掉以輕心,呼籲除非有必要事,否則要留嚟家中,而就算留喺屋企都要減少聚集。

嘩,好一句留喺屋企都要減少聚集,即時令到唔少人著咗火,網民都紛紛質疑,到底林鄭知唔知香港嘅居住空間,有幾咁不足?一家幾口住喺三百零呎小單位甚至劏房已經好普遍,當街又唔出得,屋企又唔聚集得,佢哋仲有邊度好去?

連登都一片怒火,有人反駁唔通個個都好似林鄭咁住喺禮賓府、個個都有幾千呎大屋,大到唔需要同家人聚集?有人諷刺一家4口如果在家做冬唔聚集,係咪要「1個喺房、1個喺廳、1個喺廁所、1個喺廚房,跟住開個MEET一齊食飯?」當然更多人諗到嘅係,林鄭同老公偈都唔傾,相信佢都冇乜親朋戚友,難怪可以做到唔喺屋企聚集。而可能禮賓府內,只有現金可以「聚集」,但其實銀紙都好多菌囉.....唔知違反咗林鄭呢個口頭在家「聚集令」,有冇人上門控告喺屋企「非法集結」?

喺連中國嘅衛健委專家都批評香港防疫措施唔到位、增加深圳防控壓力,港人要為政府抗疫不力埋單嗰股怨氣,林鄭班子到底feel唔feel到?

連登仔寸爆777節錄:

●一家三四條友住埋一齊咪又係聚集?係咪佢﹙林鄭﹚已經俾屋企人斷咗六親啊?

●又要市民留在家中,又要在家中唔好聚集,你估個個好似柒婆你住晒成座禮賓府呀?你同你老公就可以在家中唔聚集,成日唔見面、分房瞓都仲得!

●不應在家中聚集但又唔可以上街,個L個都千X幾尺既(嘅)屋企?

●真係離地到X街,你住皇宮咪可以唔使家中聚集囉。

●不如599G限埋屋企有幾多人

●屋企只有現金可以聚集

●返工 無問題 批准;睇PTU 畢業 無問題 批准;搭地鐵 無問題 批准;番屋企做冬食飯 有問題 最好唔好

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner