李八方online︱譚文豪「高薪挖角」王宗堯做一日店長

更新時間 (HKT): 2020.12.16 11:30
近日成為黃店「一日三餐」老闆嘅公民黨副主席譚文豪,今日宣佈「高薪挖角」王宗堯今午12點至下午4時到該店做一日店長。

一方有難,八方支援。因去年7.1闖立會案,被控暴動及進入或逗留在立法會會議廳範圍兩罪嘅藝人王宗堯,噚日喺網上公開請求大家「懲罰」,以應付佢可能達到7位數嘅律師費後,唔少黃店即時大力「懲罰」。其中過去多次為黃店做一日店長、近日成為黃店「一日三餐」老闆嘅公民黨副主席譚文豪,今日宣佈「高薪挖角」王宗堯今午12點至下午4時到該店做一日店長,呼籲大家一齊撐,同時呼籲黃色經濟圈嘅同路人,有咩商業合作機會都可以支持下王宗堯。

除咗「一日三餐」衝出嚟撐王宗堯,過去一直支持民主運動嘅「珈啡公義」噚日亦「懲罰」王宗堯,邀請咗佢喺咖啡掛耳包上簽名,話只要喺網上購買該店任何產品,即會獲贈限量版嘅王宗堯簽名掛耳包。

由一群熱心香港人同年輕人組成嘅黃店平台「初見」,噚日亦搵咗王宗堯做Model,宣傳預售中嘅香港人有帽衞衣。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner