黃圈自救︱同行無敵國 葵廣黃店組「黃閣」 推優惠券團結互助

更新時間 (HKT): 2020.12.22 00:03

俗語有云「同行如敵國」,偏偏葵涌區17間黃店在武漢肺炎打擊下「同行無敵國」,成立「葵芳聯合黃閣」(簡稱「葵聯黃」)並推出優惠券,讓港人以510元優惠價享用總值超過777元,全由黃店提供的衣、食、零售服務。有份發起今次行動的黃店老闆接受《蘋果》訪問時指,除希望藉此重新團結同路人,亦希望港人透過支持黃店,讓在《國安法》下仍敢於發聲的黃店繼續生存:「黃店未必係呢個抗爭裏面嘅最前線,但佢一定係我哋嘅最底線,係我哋最後堅守嘅一道防線。」

記者 林俊謙

《國安法》壓境加上藍絲追擊下,去年遍佈18區的連儂牆在香港近乎絕迹,但在葵涌廣場2樓扶手電梯廣告位,仍會見到由有份參與「葵聯黃」計劃的黃店「潮食閣」租用,將擺放至本月31日的連儂牆。在葵廣一樓經營黃店「沖繩味之賞」的老闆Elvis接受《蘋果》訪問時指,今年7月開舖至今,一直感受到該區的黃店有着香港80、90年代輝煌時期的人情味,「好多樓上樓下嘅(黃店)朋友,都義務幫我諗一啲產品去搵生意、改吓菜單,點樣整靚啲可以吸引多啲人,令小店呢個空間可以生存到」,黃店老闆有時更會互相為對方「補位」看舖。

經歷反送中運動的高低起伏,參加過不同遊行,也捐過物資支援手足,Elvis坦言感到個人力量有限,故與葵芳10多間黃店老闆交流後成立「葵聯黃」平台並推出優惠券,讓港人以510元優惠價,即可享用總值超過777元,全由黃店提供的衣、食、零售服務,希望港人除支持黃店食肆,亦進一步支持相同理念的其他種類黃店。

搞手憂被國安滋擾但拒噤聲:搞就搞梗㗎喇,咁你縮,佢就唔搞咩?

同樣有份發起今次優惠券行動,在葵坊街開設小食店的「吉壹野」老闆Torres認為,「港版國安法」下,很多支持民主的港人都會感到害怕,認為黃店在此時刻發揮凝聚港人團結力量的角色尤其重要,「黃店未必係呢個抗爭裏面嘅最前線,但佢一定係我哋嘅最底線,係我哋最後堅守嘅一道防線,我哋起碼有人敢出聲,而唔係所有人都受到寒蟬效應影響,所有人都靜晒」。

俗語有云「人心肉造」,Torres坦言亦擔心被香港「國安」上門滋擾,但未有打算因此噤聲,苦笑說:「(國安)搞就搞梗㗎喇,咁你縮,佢就唔搞咩?咁不如照做自己要做嘅,團結返香港人成為一個力量,然後可以做到更多嘅,就做更多。」他又指,過去香港人總說罷工「搞唔起」,因為害怕手停口停,「但如果黃店佔據成個香港7成經濟命脈,個老闆話罷工,叫你唔使返工,你(員工)無得唔罷啦吓話?」他認為港人若希望黃色經濟圈對社會有影響力,「首先(黃店)就要有足夠的力量可以影響社會先」。

政治理念上擊敗藍店:仲要品質上、所有嘢都贏到你!

過去不時都人批評黃店食肆「又貴又難食」,Torres就表明今次優惠券計劃,不但純以民主理念為賣點,而是希望令同路人真正得益,「要又平又好食」,強調今次行動不只想在政治理念上擊敗藍店,「仲要喺品質上、所有嘢上面都贏到你!」

他透露,「葵聯黃」優惠券自本月初推出至今,已售出近200叠,反應相當不錯,有興趣的巿民可到參與計劃的17間黃店購買優惠券。(詳情:https://www.facebook.com/100380828597378/posts/102004301768364/?d=n)

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner