隔牆有耳:史墨客貼地遊悟心經(李八方)

更新時間 (HKT): 2020.12.30 02:00
■香港人搵外國領事可能俾人話勾結外國勢力,咁領事睇《心經》,又會唔會係仰慕天朝文化呢?

自從中國同美國關係緊張,加埋反送中運動後,北京喺香港立國安法對付外國勢力,連政黨人士、立會議員見外國領事都可能出問題,美國駐港總領事史墨客冇再好似佢前兩任嘅唐偉康、夏千福咁,成日喺fb貼落區同香港人交流、四圍睇嘢食嘢嘅相,不過史墨客都唔係完全唔出去外面行吓,睇吓香港景色嘅。

精通中文真心識

好似噚日史墨客就喺美國駐港總領事館fb專頁,貼咗啲佢去心經簡林行山嘅相,史墨客仲話自己一直都好鍾意大嶼山嘅景色,佢今次行山終於嚟到心經簡林,仲令佢認識《心經》多咗!雖然話史墨客係美國人,但八方相信佢話睇過心經簡林,令佢認識《心經》多咗並唔係隨口講,因為佢做過美國駐上海總領事、又喺美國在台協會做過,而且佢仲精通中文,有研讀《心經》一啲唔出奇。

李八方

一格照片,一個故事,Follow蘋果Instagram!
BannerBanner