校長責罵變本加厲 屢當眾諷林老師 
林好友:畀啲關心佢就唔會走上絕路

更新時間 (HKT): 2020.12.31 02:00

天水圍東華三院李東海小學女教師林麗棠疑不堪工作壓力,去年3月6日在校內墮斃,引起社會關注。有與死者相熟的教師庭上爆出,時任校長羅婉儀任內曾有多名教師主動申請停薪留職,只為減輕工作量,又透露羅習慣在全體教師前不開名批評甚至譏諷死者,批評學校未有體諒,導致她情緒病情加劇,晚晚失眠。證人激動為去世的友人控訴:「佢淨係想要一啲關心、問候,唔係佢就唔會走上絕路。」

與死者相識超過20年的教師陳文貞供稱,死者在墮樓事件前一星期在學校「喊住嚟搵佢」,指羅剛訓斥她沒有就聯校活動出通告。陳稱「佢好委屈,話唔知原來要出正式通告,佢之前冇試過帶隊出境外。」死者透露,羅狠批她工作態度惡劣,「話佢特登將啲嘢做差,又話隨時可以搵人代替佢。」死者憂慮羅會將她辭退,陳盡力安撫:「儍瓜,你唔好咁啦,校長唔會炒到你㗎,你又冇犯大錯。」這是陳最後一次與死者見面。

工作量較同職級教師多

陳供稱羅上任後,死者工作量不但沒有減少,更比同職級的同事更多,需要負責書簿車船津貼、影級相、籌辦敬師活動、帶領粵語集誦隊等多項工作,「同一個職級,有老師只負責帶領風紀,點解有咁大差別?」陳批評學校從未體諒過死者的承受能力。陳亦透露死者事發前兩年的情緒越來越差,幾乎晚晚失眠,「佢唔食藥瞓到已經係bonus,要食藥先瞓到。」

代表家屬的大狀問陳,是否認為羅不尊重教師,陳堅定謂「絕對覺得。」形容羅階級觀念重,「類似係『你未夠班同我講嘢』……覺得佢嘅決定係最高。」大狀請陳舉出羅不尊重教師的實例,陳憶述事發前一年的東華發展日,死者突然在禮堂暈倒,送往急症室。翌年發展日,當羅回到同一地點,竟向全體老師謂:「你哋食晒早餐未?唔好好似某同事咁冇食早餐跑上嚟之後暈低喇。」有次羅在禮堂開會,在全體老師面前不開名批評死者,「有啲人執圖書竟然用垃圾膠袋裝圖書,你睇吓幾唔make sense,唔見晒啲書點算。」

下屬形容校長欺善怕惡

陳並批評羅欺善怕惡,「唔出聲嘅就會變本加厲去鬧,但對資深主任就唔會。」陳形容死者不敢反駁,逆來順受,「佢其實好需要一個上頭去幫佢出聲。」話到此處,陳不禁潸然,激動哽咽謂:「其實佢唔係要你做好多嘢,淨係想要一啲關心、問候,唔係佢就唔會走上絕路。我知佢好錫屋企人,佢係唔會白白犧牲自己性命。」

此外,大狀指羅上任後,有教師主動申請降職,以減輕工作量。陳同意,更補充有三名同事主動停薪留職,又透露羅曾在會議表示:「唔好諗住降咗職就唔使做行政嘢呀!」

副校長鄭月嫦昨在盤問下則否認羅曾命令死者自動辭職,印象中羅只說過:「你做成咁,係咪唔想撈?」形容羅平日語氣有壓迫感。與死者合作籌辦活動的男教師吳銘暉則供稱,羅會當眾隱晦指摘同事,雖不至於人身攻擊,但「聽完會唔舒服」。

案件編號:CCDI206/19

一格照片,一個故事,Follow蘋果Instagram!
BannerBanner