港大「黑箱」殺文物保護學部

更新時間 (HKT): 2021.01.01 02:00
李浩然

【本報訊】主教山配水庫百年建築險被毀,揭露本港古蹟保育人才不足,惟本港現時唯一一個提供建築文物保護碩士課程(ACP)的學部今日起解散,學生會被併入園境建築學部。ACP主任李浩然批評建築學院決定突然,事先亦無諮詢學院及港大,他曾嘗試與學院院長討論惟遭拒絕,「佢唔肯同我討論」,學院「完全係黑箱作業」。

ACP現屬房地產及建築系,提供建築文物保護研究文憑課程,修畢後可以銜接其建築文物保護碩士課程。學部主任李浩然表示,建築學院院長去年4月突然發電郵通知學院內的教職員,學院將會取消ACP,並升格園境建築學部為學系。

主任嘆本地文物研究更難

李浩然曾與院長討論事件,「但院長都係好堅持,基本上都冇諮詢到成個學系嘅人」,只是與房地產及建築系及園境建築學部商討,「我都冇份,只係佢哋決定咗就通知我」。李浩然認為學院黑箱作業,亦未有按大學規定作諮詢,「我嘗試過同佢討論,佢唔理我」。

他續指,整個決定過程以秘密方式進行,按程序應要諮詢大學,及聘請外國專家作外來評審,「但係冇做」。當他向院長查詢有關建築文物保護未來的發展,「新嘅課程有咩目標、想搞咩,完全乜嘢都冇,只係話到時先算」,認為做法不尋常。

李浩然引述學院通知,建築文物保護相關的科目將會「散入各科」,但他認為「有啲嘢係散唔到」,「如果唔係全部集中晒喺一個碩士課程嘅話,唔同範疇就只係得啲片面嘅知識」。日後研究本地建築文物的工作亦會變得更加困難,「到時只係識啲唔識啲」,香港學生亦會缺少一個本地進修的機會。

ACP設立廿載,李浩然形容自己是學部的「開山牛」,慨嘆現時「開到山就殺咗隻牛」,他明年便60歲,是港大規定的退休年齡,本已計劃好退休,學部被解散對他無甚影響,「我唔係要學校畀我留低,而係成個做法非常唔啱規矩」。

一格照片,一個故事,Follow蘋果Instagram!
BannerBanner