主任庭上怒斥:係咪要逼人冇彎轉

更新時間 (HKT): 2021.01.05 02:00
■死者直屬主任勞佩玲昨在庭上當面質問時任校長羅婉儀。

【本報訊】小學女教師林麗棠的死因研訊昨續審。早前有副校長供稱涉案時任校長羅婉儀對死者語氣不嚴厲,惟曾任課程主任的教師昨直指,羅會見時對死者「精神虐待」,曾喝令死者「收聲!唔准駁嘴!」死者的直屬主任更與羅在庭上正面交鋒,斥羅因小事不斷折磨死者,激動質問:「係咪真係要逼到一個人冇彎轉?」

死者屢被喝罵痛哭

與死者相識20多年的教師郭靄怡供稱,自2015年開始,經常看見死者從校長室出來後痛哭,「有時會歇斯底里一直跑,因為唔想學生見到。」她見過四至五次類似的情況。

郭透露,曾兩次陪同死者見羅,其間羅不斷責罵死者,聲量傳至門外。羅又質疑死者工作能力不合要求,「要唔要我教埋你做呀?不如我幫你做埋佢?你有冇能力做呢個位㗎?冇能力我換人㗎喇!」當死者嘗試解釋,羅即時喝令:「收聲!唔准駁嘴!」

副校被指保持沉默

郭補充指,死者每次見校長都誠惶誠恐,甚至「未開始已經眼濕濕」。郭又指,即使兩位副校長目睹死者泣不成聲,仍會保持沉默,甚至事後建議她放學後繼續工作,「唔會有人停個會見,只會繼續鬧。」

死者的直屬主任勞佩玲昨亦作供。羅盤問勞,指開會時曾與她商討減輕死者工作量的方法。惟勞反駁:「個出發點似係覺得林老師不合要求,要佢退落嚟,而唔係想幫佢。」

羅堅稱希望幫助死者,勞激動說:「如果校長你真係關心林老師,點解3月5日要再搵多佢一次?點解漏出通告,都要折磨嗰個人咁多日?我真係諗唔明……係咪真係要逼到一個人冇彎轉?」羅聞言沒作停頓,續急速解釋:「我只係想調查有冇地方可以做得好啲。」

案件編號:CCDI206/19

一格照片,一個故事,Follow蘋果Instagram!
BannerBanner