教師:校長叫10號波回校「死咗有保險賠」

更新時間 (HKT): 2021.01.05 02:00

【本報訊】天水圍東華三院李東海小學女教師林麗棠疑不堪工作壓力在校內墮斃,死因庭昨續研訊。接二連三有教師將矛頭指向時任校長羅婉儀,斥羅不但對教師態度惡劣,暗喻教師是「垃圾」,更下令教師在10號風球回校,揚言「中途死咗,保險咪會賠畀你哋囉」。教師更爆羅曾當眾與家長吵架,又以「大嚿衰」形容學生,當眾叫學生上台做箭靶批評。羅反駁「唔記得有講過」,又辯駁或「言者無心,聽者有意」,指雙方各執一詞。

暗諷教師「垃圾」

死因庭昨傳召多名教師出庭,皆自李東海小學創校不久便任教至今,與死者林麗棠認識多年。研訊多次討論教師對羅婉儀的領導能力評分,評分每況愈下,由起初的3分跌至2.5分,僅為五分滿分過半。

英文科教師郭靄怡直言「教師眼睛係雪亮」,形容評分反映羅對教師的不尊重和態度惡劣,若問卷在死者出事後才填寫,有可能是零分。

郭詳列羅對教師口出惡言的例子,例如羅曾向教師稱:「我話之你出面搵其他工,我冇所謂呀,我當送嚿垃圾出去。」羅又謂:「對人仁慈就係對自己殘忍,所以我對你哋殘忍。」當羅獲悉遭匿名投訴後,又向教師表示:「你哋又告密、又寫投訴信;我係音樂碩士、英文碩士,去邊人哋都係請我做校長,你哋CM(文憑教師)嚟㗎咋」。

羅婉儀更要求教師在8號或10號風球時回校,「你哋教師要返嚟開門;如果中途死咗,保險咪會賠畀你哋囉」;又多次在教職員大會上稱沒空看報紙找校長空缺跳槽,「你哋搵到同我講」。

與死者合作教授普通話朗誦近20年的教師王華則謂,羅對於評分低及遭匿名投訴等事宜,從沒正面處理,僅謂「都係畀個機會我寫報告啫」,更揚言「東華鬧我,我就鬧返你哋。」王亦稱一眾教師對這些事情看在眼裏,「若要人不知,除非己莫為」;加上羅多次聲言要找工作及跳槽,對學校根本無歸屬感,故此教師對她的評分亦自然低。

王舉自己的例子,她曾因腳掌骨裂而請病假,當她向羅請假時,羅竟回應:「王華教師你大膽啲,你請夠100日啦!」王心想:「你咁講咩意思,我係睇博愛醫院,都係公立醫院」,不滿羅質疑她造假。

公開斥責學生

兩位教師昨先後舉出羅對學生差的例子。郭透露羅曾與一名二年級生到日本交流,但該學生因受傷而拒絕參加活動,羅返港後不滿,「話唔聽佢講,好冇面好難受,樣子唔可愛」,更當着所有學生面前叫該名學生上台,斥責對方:「你發脾氣,下次唔好啦。」郭坦言為此感到很難過,作為教育工作者,理應有耐性地教導學生,而非如羅般「搵佢(學生)上嚟好似做箭靶咁踐踏佢」。

王則稱曾帶隊贏得朗誦比賽冠軍,當時羅只說了一句恭喜,隨即指友校投訴學生無禮貌,要求她立即徹查。當羅獲悉是哪位學生後即謂「原來就係呢個大嚿衰」,並下令不可再讓該學生參加任何朗誦比賽。王批評羅沒有同理心,指學校一直推廣關愛校園、生命教育,但羅的行徑完全背道而馳。聆訊今續。

案件編號:CCDI206/19

一格照片,一個故事,Follow蘋果Instagram!
BannerBanner