專訪︱foodpanda男剖白被屈偷袋濫捕經過 轟警揸雞毛當令箭以權謀私

更新時間 (HKT): 2021.01.07 00:01

近日網上瘋傳,外賣員因藏有「光時」卡片而被警員以國安法恫嚇、並質疑他偷外賣袋的片段,片中警員的執法手段令大眾譁然。事主趙先生接受《蘋果》訪問,指警員發現他錢包內放有「光時」卡片後,態度「一百八十度改變」,怒斥警方執法「卑鄙」、「賤格」;並指《國安法》實行後,警員是「揸住雞毛當令箭」,經常借國安之名打壓與其政見不同的人、以權謀私,認為自己被捕是因為警方將個人政見帶入執法中。

斥警以國安法恐嚇市民 將政見放入工作

事主趙先生從事運輸相關工作,因疫情緣故,在foodpanda擔任兼職外賣員。趙先生憶述當日的經歷,指自己當晚10時左右,在天水圍嘉湖銀座對出的公園休息,本來打算沒有外賣定單後回到家中,但因為發現警方在現場執法而圍觀並記錄,及後被警員以「形迹可疑」為由截查。他指警方「合法截查係可以嘅」,惟警員在發現他錢包放有「光時」字樣的卡片後,態度突變,以惡劣態度質問他是否知道香港有《國安法》,故認為警員因不滿他是民主派支持者而「(戴)有色眼鏡」,因而後來聲稱懷疑他盜竊外賣袋。

他直斥警方經常以國安之名恐嚇巿民,更叫警方「唔好揸住雞毛當令箭」,「最後冇控告我《國安法》,其實佢不過一路大緊啲巿民,有好多唔知嘅巿民以為,可能單單擁有一張卡片就犯法」。他指,自己根本沒有煽動或宣傳任何可能顛覆國家政權的行為,警方連一張文宣也容不下,是因為「佢(警方)唔接受有同佢(警方)唔同政見嘅人士」。

警員一度指懷疑他盜竊外賣袋,並開始刁難他,問他袋中有甚麼物品,趙指「(當時)都知道佢哋想玩啲咩嘅」,因而不想回答警員的問題,結果如他所料,警員因為他沒有提及袋中的貼紙而作出拘捕。他斥警員的行為根本是「雞蛋裏挑骨頭」,亦指認為自己若沒被發現文宣,相信不會被捕,斥警隊將「政見投入工作之中」,對建制支持者相當寬容,但經常對民主派支持者暴躁及憤怒。

被捕數次未曾上庭 轟警肆無忌憚濫捕「卑鄙」

回憶當日執法警員的態度,他以「賤格」形容,更直斥警員執法「卑鄙」:「佢好唔尊重囉;佢身為警員,佢唔尊重自己套制服、唔尊重自己嘅職業,我哋巿民唔係俾佢咁欺壓嘅。雖然我唔會害怕嘅,我喺呢啲強硬嘅勢力下係唔會驚嘅,但就覺得佢咁樣做貶低咗自己嘅價值同身份。」

趙先生對警方濫捕有相當深刻的體會,過往被警員拘捕數次,但沒有一次上庭,令他相當懷疑警方濫捕成風:「其實佢係咪浪費緊啲公帑呢?係咪因為其實佢拉完人、濫捕完全冇後果呢?」他直指這是「法律上嘅漏洞」,「佢想拉你就拉咗你,最後佢告得入你又好,告唔入你都好,甚至乎你唔需要上法庭都好,佢都係唔會因為呢件事而受到懲處或懲罰嘅」,因而令警方更肆無忌憚地濫捕。

談及警方執法的態度,他直言:「以前都還好嘅,而家我覺得警隊就係上樑不正下樑歪囉,一代一代傳落嚟。咁佢哋依家嘅辦事手法同執法能力係好冇民望,即係全香港巿民,我相信好大部份都對佢冇乜信心。」他又斥,當日有警司在場,而該名警司亦在警員執法期間露出愕然的神情,但沒有制止他的濫捕行為,「係警隊成個風氣已經接受同默認呢件事(濫捕)嘅發生」,即使有警司級的人員在場,警員亦沒有收斂自己的行為,反映警隊內部已默認濫捕可接受。

無懼被認出 「我面對到全香港巿民」

記者問他,其受訪相片和影片要否「打格仔」,會否擔心自己被認出,他回應指:「唔需要喎,點解要幫我打呢?我面對到全香港巿民。」他解釋,警隊宣傳片中,自稱能「面對全香港巿民」的警員,竟「將自己塊臉蒙到實一實」,反觀他所言句句屬實、有片為證,「我只係將我自己嘅責任做出嚟、講個事實出嚟,而唔係好似警方咁,好多說話都係建基於謊言之上」。他又稱,警方每次在衝突現場執法都不會展露警員編號或外貌,因他們「驚佢哋違法嘅行為(俾人認出)啦,濫捕啦、濫權啦、使用暴力啦、好無理咁襲擊某啲示威者啦,佢哋係怕俾人知自己係邊個,所以佢面對唔到」。

趙先生指,事件發生後,foodpanda的態度一直冷處理,未有主動聯絡他,而他本人將盡快再提交按金,領取外賣袋後再開工。他擔任正職的運輸公司亦未有向他施壓,同事及上司的態度相當開放,未有刁難,故並不擔心有關事件將影響他的工作。他又反駁警方指他襲警的說法,直認自己當天因為被濫捕,情緒激動,但強調自己沒有襲警。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner