李八方online︱胡志偉趁還柙鍛煉身體 反思從政生涯

更新時間 (HKT): 2021.01.13 12:36
胡志偉嘅Facebook專頁管理員同大家分享寄信要留意嘅事項,同時指可以託區議員轉寄志偉,並提醒大家可以多啲關心其他牆內嘅手足,呼籲大家多啲寫信畀手足同佢哋分享日常生活,「在寒冷送入溫暖」。小圖為胡志偉Facebook圖片

近排天氣寒冷,慶幸人心不冷。民主黨前主席胡志偉因為冇呈交BNO護照,違反保釋條件而被取消保釋,還柙至2月8日再訊。胡志偉嘅Facebook發帖報平安,話志偉平日會喺荔枝角收押所鍛煉身體,身體情況唔錯,亦都「把握時間沉澱自己,反思過去廿多年的從政生涯」,叫大家唔需要咁擔心,仲提醒如果大家想寄信畀志偉或其他被捕人士需要留意嘅事項,希望被捕人士喺寒冷中感到人間有愛。

而喺志偉還柙候審嘅呢段時間,多個區議員辦事處職員都收到街坊打電話去問候志偉,仲問到點樣可以寄信畀志偉?有見及此,志偉嘅Facebook專頁管理員同大家分享寄信要留意嘅事項,同時指可以託區議員轉寄志偉,並提醒大家可以多啲關心其他牆內嘅被捕人士,呼籲大家多啲寫信畀被捕人士同佢哋分享日常生活,「在寒冷送入溫暖」。

如果大家有時間,不妨用幾分鐘時間寫封信畀志偉或牆內嘅同路人,詳情可參考:https://www.facebook.com/chiwaioffice

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner