人大傳逼棄英 公僕釀跳船 
禁BNO者投票 劉慧卿:政府點查

更新時間 (HKT): 2021.01.15 02:00

【政治清洗】

【本報訊】中共欲出重手反制英國BNO 5+1簽證移民,有傳媒指北京正考慮禁止BNO護照持有人在港出任公職,甚至褫奪其投票權,稱料下周人大常委會討論。有關消息引起社會震動,民主黨國際事務委員會主席劉慧卿批評「真係癲癲哋」,會令公務員人心惶惶,對香港公務員體系造成極大震盪。公務員工會聯合會總幹事梁籌庭亦擔心,剛入職的公務員將最受影響。

《南華早報》早前引述消息,指下周人大常委會或討論禁止BNO護照持有人在港出任公職,或褫奪其投票權。身兼行會成員的新民黨葉劉淑儀亦連日倡議處理「雙重國籍」問題,建議設死線,限期後獲外國籍的港人會失去居港權及投票權,迫使市民「二揀一」。

「建制都覺得超乎想像」

劉慧卿接受訪問時批評,有關做法「真係癲癲哋」,相信連建制派亦會覺得超乎想像,若有關消息屬實,將對香港公務員體系造成極大震盪,令公務員更加人心惶惶,「我相信最終嘅結果,係會令更多人選擇離開香港,因為既然你連人哋份工都攞走埋,咁更加要走啦!」

至於持有BNO的香港人不能投票,劉相信具體執行十分困難,「唔通去到票站時你先查?你點查我有無BNO?」她又認為北京若落實相關做法,除了對香港極為不利,對國家亦毫無益處,認為特區政府在傳聞甚囂塵上時,有責任向港人清楚交代,並要求北京採取任何影響香港人的措施前,應全面諮詢香港人意見,停止閉門造車。

梁籌庭接受查詢時表示,若日後BNO持有人不能出任公職,相信對公務員影響相當大,因為不少公務員加入政府早期,即97年起已領取BNO護照,「近兩年亦有大量香港人攞BNO,喺咁嘅環境下,好難叫佢哋取捨」。他又認為若消息屬實,相信最受影響是剛加入政府的公務員,「初入政府嘅同事,如果工資同出面差唔多,就未必會選擇再留喺政府工作,因為份工突然多咗咁多繁複嘅要求,吸引力未必咁大」。

對於持BNO人士或喪失投票權,梁稱「唔知點去理解」,因現時港人均是使用身份證到票站投票,「呢啲係私隱嚟,政府點證明佢有BNO? 除非英國政府公開晒個名單,否則政府係無辦法得悉」。

學者:執行困難料屬恐嚇

前浸大政治及國際關係學系助理教授黃偉國相信,中方擔心大量香港人藉BNO 5+1簽證移民,會動搖香港經濟,所以希望以「威嚇式」手段反制。但他認為並非易事,若從禁止公務員持有BNO方面入手,將變成只針對BNO,卻允許其他國家雙重國籍存在的矛盾局面,而且中方難以在港禁絕市民持有BNO,「我唔講,你唔講,邊個知有BNO?」他表示所以有關手段只有恐嚇成份,是與英國的外交對壘,「不過你見佢淨係敢搞香港嘅人,又冇針對英國嘅貨品等等,就知佢條底線喺邊」。

一格照片,一個故事,Follow蘋果Instagram!
BannerBanner