尖嘴封區︱時鐘酒店客人無加鐘「逃過一劫」 清潔女工滯留過夜

更新時間 (HKT): 2021.02.02 01:23
金鑾大廈兩間時鐘酒店的負責人黃小姐稱,幸好沒有客人「加鐘」才趕得及清場,否則或會有客人被困大廈內。

尖沙嘴彌敦道80號金鑾大廈在周一(2月1日)晚上7時突納入受限區域,該大廈除劏房外,亦有不少賓館和時鐘酒店,一眾東主均對遭當局「突襲」感愕然,預料生意將會大受影響。時鐘酒店負責人黃小姐則指,幸好今日全部時租客沒有「加鐘」,恰好趕在封區前「清場」,才不致有客人滯留;至於本來已預約過夜的客人,已獲即時調配至港島另一時鐘酒店。

8折租房予同廈商戶

今次突擊封區,只有3宗確診個案的金鑾大廈亦榜上有名,大廈內一家時鐘酒店負責人黃小姐坦言對封廈感愕然,「今次封金鑾都幾突然,得3單都封,我清潔姐姐而家都走唔到」。

雖然時租客早在封區前撤離,但有清潔姐姐就被困在內,只能在酒店內過夜,非常不便,「佢無啦啦要過一晚夜,咁攪法我要補貼佢呀,梗係要畀間房佢安頓啦。」大廈內不少商戶亦因封區要滯留一晚,酒店房間隨即大派用場,黃小姐以8折租予商戶,「本身一晚三百五十(元),今次咁突然就二百八十(元)租畀佢哋啦,大家都係瞓一晚,咁唔方便。」

黃小姐又直言「真係唔知政府用咩準則(封區)」,相信封區對生意是「危多於好」,她對此相當擔心,「第四波(疫情)對我哋生意都冇乜影響,今次大廈上咗榜,(病毒)有14日潛伏期㗎嘛,嚟緊應該都好有影響。」她預計未來兩星期將有近4萬元生意額受影響,加上租金和人工等成本,將蝕近6萬元。

賓館7房全「爆滿」

賓館東主沈先生指,自己是收到圍封消息才趕往現場,他指賓館的7間房現時已「爆滿」,惟所有員工已經下班,自己暫未知道裏面的最新情況。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner