警疑抄口供標點、錯誤跟足 
庭上答:唔係逗號句號就係頓號㗎啦

更新時間 (HKT): 2021.02.03 02:00

【本報訊】前年10月1日示威者「遍地開花」,多區有示威活動,其中九名男女被控在黃大仙非法集結的案件昨續審。兩名作供的警員均被辯方質疑與同袍互抄書面口供,其中負責拍攝警員被指口供多處內容與同袍口供幾近一樣,甚至連標點符號都相同,警員庭上回應:「標點唔係逗號句號,就係頓號㗎啦,中文嚟㗎嘛,你想我點解釋啫?」又謂:「我哋一齊行動㗎嘛,自然就會描述一樣㗎啦,解唔解答到你嘅問題呀?」而被揭發連錯誤都一同錯的警員則回應「冇解釋」。

當日負責拍攝的黃大仙警區情報組警員伍漢林供稱,案發後三日交出書面口供。

辯方大律師質疑,伍部份口供抄襲警員58334的口供,其中最少有四處地方的內容文字以至標點均幾乎一樣,包括「有一批人集結係蒲崗村道鳳鑽苑,該批人士大多身穿黑色衫、黑色長褲、黑口罩,有戴頭盔、防毒面罩」、「我見D連同事採取行動,我連同刑偵同事跑上去協助採取行動」等句子,僅部份字眼略有轉換,如警員58334寫「一批人」,伍則寫「一批示威人士」;同袍以阿拉伯數字寫「100至200人」,伍則寫中國數字等。

大狀多次要求伍解釋為何口供內容、尤其形容示威者的字眼幾乎一樣,伍指:「佢係我上級嚟㗎嘛,我哋一齊見住嗰個人,我哋有共識㗎嘛。一樣係完全合理㗎喎。我哋一齊行動㗎嘛,自然就會描述一樣㗎啦。解唔解答到你嘅問題呀?」大狀追問為何連標點都一模一樣,伍再謂:「標點唔係逗號句號,就係頓號㗎啦。中文嚟㗎嘛,你想我點解釋啫?」

手機用戶請按此放大圖表

辯稱「見嘅嘢一樣」

另外,拘捕本案首兩名被告的偵緝警員羅浩聲(譯音)則供稱,案發時有份轉入盈鳳里掃蕩,他在新光中心附近看見約50名戴頭盔及面罩的黑衣人,沿盈鳳里伸延的小路向龍翔道方向跑去。

羅浩聲即時截停兩男兩女,兩名男子正是本案被告工程師高子晉(25歲)及學生甄健輝(22歲)。

辯方亦指出羅與另外一名警員8698互相抄襲口供,兩人口供同樣有多處完全相同的段落,當中僅有些不同,標點及措詞均一致。羅解釋:「大家見嘅嘢都一樣,做嘅都一樣,所以記錄嘅嘢都咁上下一樣。」

辯方再指,口供提及看管六名被捕人士及檢查身份證時,兩人口供均寫「HHKID」,誤寫多一個「H」字。大狀問:「一模一樣咁錯,你有咩解釋呀?」羅謂「冇解釋」,但再次否認與同袍互相抄襲口供。審訊今續。

案件編號:WKCC3817/19

一格照片,一個故事,Follow蘋果Instagram!
BannerBanner