初選大搜捕︱戴耀廷獲續保至4月8日:香港個個都好辛苦 關尚義冀港人常存希望

更新時間 (HKT): 2021.02.10 21:18

警方國安處上月「大搜捕」50多名與民主派初選有關的人士,他們今日陸續到警署報到。港大法律學院前教授戴耀廷、阿布泰國生活百貨創辦人林景楠,今午約3時到馬鞍山警署報到,其後2人均獲准續保至4月8日。

戴耀廷今午身穿全黑衣物、啡色外套,戴上黑色口罩,在太太陪同下,到馬鞍山警署報到,被問到首日報到心情如何,他僅指「冇乜特別」。戴在約一小時後成功續保步出警署,他須於4月8日下午再到馬鞍山警署報到,保釋金為五萬元。他又表示,自己不願就提問回應太多,「而家香港嘅情況變咗好多,公開講嘢都唔係好安全,尤其是好似我呢類人,所以我冇嘢講」。

戴耀廷臨別時主動提到,自己上月至晚上才獲准保釋,知道當時傳媒等候已久,「辛苦晒大家唔好意思,上一次出嚟嗰晚大家都等咗好耐,新聞界朋友都好辛苦、大家都好辛苦、香港個個都好辛苦」,寄語大家「我哋都繼續頂住落去,你哋都努力」。之後他在facebook留言「祝願大家都平安」。

林景楠嘆無奈 珍惜與家人相處日子

林景楠今午亦按時到警署報到,及後同樣獲准續保,須於4月8日再到馬鞍山警署報到。被問到心情如何,他表示會珍惜時間與家人相處,「本身已經係無奈,對於未來自己都難以想像,都係會珍惜嚟緊嘅日子,好好同家人相處」。

林景楠又指,自己不願就情況敍述太多,但強調「唔係話唔想講嘢,亦都唔係話唔夠膽去挑戰呢個政權,或者觸動啲乜嘢底線」。他又指,自己並非政治人物,故會繼續過「一個正常人要過嘅生活」,但表示「下一步係點冇人會知」,寄語港人「願大家好人一生平安、希望香港人都可以一生平安」。

關尚義望港人為民主自由奮鬥

民主動力副召集人鍾錦麟、司庫美籍人權律師關尚義、區議員柯耀林、新民主同盟范國威今午3時前依時到將軍澳警署報到,眾人可續保至4月8日報到。關尚義指心情如常,預祝香港人新年快樂,並再次重複被捕當日對港人寄語,希望港人為民主、人權奮鬥,要繼續心存希望。續保後,關指屬意料之內,「因為我始終都覺得自己無做錯,我係追求民主,無做犯法嘅嘢」。

鍾錦麟步入警署前坦言心情有點緊張,同樣預祝港人新年快樂;續保後他指,心情其實同樣未放鬆,但總算可相約朋友見面,「本來真係唔敢約住,想過咗今日先,依家可以約下,畀大家見下我個女」。

柯耀林步入警署前,表示已多添厚衣,因已有心理準備,「呢排天氣涷啦,同埋都預咗最差情況可能要再扣留48個小時,可能要喺入面過年」。臨近年三十晚,他指已預早和家人吃團年飯,家人叮囑自己萬事小心。他認為自己就如眾多港人一樣,正面對逆境,「要相信惡劣嘅環境,始終有過去嘅一日」。

范國威續保後表示,心情依然很沉重,近來天氣再度轉寒,「好似黎智英、黃之鋒、周庭、快咇,同埋今日不准保釋嘅傑斯,仲有好多還柙、喺獄中嘅手足」。他坦言,今年新年很多香港人已無法很快樂地過,但希望大家在困境中記得仍有彼此,繼續並肩而行。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner