李八方online︱節目《香港病了》改名做《疫行者》 港台:因為正月

更新時間 (HKT): 2021.02.18 19:33
港台呢個節目除咗要押後播出,仲要改名。

政權打壓港台已成不爭事實,早排該台原本有個節目叫《香港故事-香港病了》,訪問咗《十年.自焚者》導演周冠威,內容係講反修例運動,點知成個節目要押後至嚟緊周日播出,首集最終不單未能以周冠威做打頭陣,最新「打壓」港台招數係要求節目都要改名,個節目最新名叫做《香港故事-疫行者》。

港台回覆話,因為仍在正月期間,所以呢個節目易名為《香港故事-疫行者》,即係「香港病了」四粒字唔見咗,可能嫌「香港病了」唔吉利?港台網頁亦已更新;由於改名,連最初的宣傳片、Facebook宣傳都要一併刪走。

首集改訪問風水師

節目首集梗係冇咗《十年》導演之一周冠威啦,改以訪問風水命理師,由佢哋講述客人所關心嘅不再只係自身感情、健康或財富,而係考慮移居他方。另一位風水命理師就免費為犯咗官非的年輕人趨吉避凶,唔知節目改名,又會否令港台可以逃離被打壓嘅命運呢?

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner