區議員宣誓︱DQ前夕照落區 街坊斥政府黐線 鄭達鴻:續在借來的時光做好本份

更新時間 (HKT): 2021.02.24 21:35

隨着港府進一步收窄「愛國者治港」原則,區議員須宣誓效忠特區政府,惟宣誓限期未到,政權已替4名現任區議員的政途一錘定音。已被預告修例通過後會遭DQ的東區區議員鄭達鴻傍晚繼續到港運城開街站,向街坊派發防疫物資,有街坊為阿達抱打不平,痛斥港府DQ決定:「黐線嘅!」

記者 何嘉瑤

5年前成功踢走自由黨李汝大並立足於「紅區」北角,鄭達鴻全靠一顆赤子之心;5年後續穩守住丹拿區,獲街坊支持,是年月努力累質的成果。DQ前夕,鄭達鴻回首5年區議員生涯,認為只要與街坊「交心」,用心服務社區,街坊總能感受到,更笑言不少街坊早將他當作「兒子」般看待: 「街坊帶畀我嘅回應,或者係街坊嘅愛戴,未來都一生受用嘅。」

「喂,達哥你好啊!」有街坊老遠看到阿達開街站,手挽兩大袋購物袋趨前與阿達打招呼,亦有街坊得悉阿達將會被DQ,痛斥港府:「黐線嘅!」,質疑港府為何能在未有諮詢民意之下,隨意褫奪區議員的席位。

慶幸落區8年未令自己變成討厭的人

政權一聲令下,阿達多年來的心血有如白費,但他未有沉溺於失落的情緒,反提醒自己:「我已經盡咗努力,將大部份市民嘅意見代為發聲。」他強調只要盡己所能,就能問心無愧,「做咗就唔好後悔,喺今時今日咁艱難嘅環境,大家都只可以喺自己嘅崗位上做到最好」。

談到落區8年的變化,鄭平靜地說:「至少呢8年,我冇成為一啲我討厭嘅人,呢個先係最緊要嘅。」

曾猶豫是否宣誓 往後繼續服務社區

阿達感激同路人街坊與朋友的的支持與愛戴,令他深感過往的努力沒有白費,「呢類社區情懷,其實係真係有落力做社區嘅人先會感受到,而並非政府去指定委任一個市民唔鍾意嘅人去做議員,就可以體現到嘅嘢」。

鄭達鴻坦言,政圈醞釀修例之時,自己曾一度猶豫應否宣誓,但未有最終決定,政權已替他作出決定。談到未來路向,他坦言目前未有清晰方向,會先反思往後的從政空間,不排除在律師方向發展,但他強調,會繼續利用不同平台為市民發聲。

去年參選立法會被選舉主任DQ的鄭達鴻強調,自被選舉主任DQ的一刻起,繼續當區議員的日子有如「借來的時光」,但他仍然期望在有限時間,將區議員一職做到最好,「至少我哋係毋負市民嘅期望,呢個先係最緊要」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner