憂遭濫用炒股找卡數

更新時間 (HKT): 2021.02.24 02:00
關焯照

【本報訊】據報道,當局難以限制失業貸款用途。經濟學者關焯照認為,由於貸款為低息甚或免息,且一筆過取得八萬元,造成濫用的誘因,例如用貸款炒股票,「冇監察就會有一個扭曲嘅誘因,去炒股票,極端啲嘅辭埋份工,見到人哋咁易賺,一筆過攞八萬蚊去炒股」。

學者建議政府分期借出

關焯照指出,過去在學生貸款或外國失業救濟金亦會發生借錢炒股的濫用情況,「因為筆錢係從天跌落嚟,就會攞嚟炒股、賭錢,博一博」,亦有人會用作還卡數等非生活開支,建議政府將貸款分三或四期借出,較能減少被濫用的誘因,「少啲濫用,唔好輸晒啲錢,政府都可以收返多啲」。他又認為申請免息貸款是划算,「至少賺通脹」。

他續指,貸款計劃無可避免會有呆壞賬,但每人八萬元數額細,加上用家是失業人士,相信壞賬比例不高,但他批評政府縮骨,「佢計咗數,就算兩成呆壞賬,都收返八成錢」。

中大經濟學系副教授莊太量估計,部份失業人士不希望借貸度日,不願申請貸款,估計最終會有約一成屬呆壞賬,若有10萬人申請貸款,貸款額達80億元,即涉約八億元。他亦建議政府分期借出款項,「八萬一次過畀,即日就冇咗……可以攞錢炒股票」。

翻查在職家庭及學生資助事務處數字,2019至2020年度拖欠相當於半年的學生貸款,所拖欠還款數字為約1.47億元。

一格照片,一個故事,Follow蘋果Instagram!
BannerBanner