李八方online︱田二少促增撥「檢測到會」資源 令學校盡快恢復半日課

更新時間 (HKT): 2021.02.25 13:19
實政圓桌田北辰提議安排外判商到學校幫手進行定期檢測,加快復課速度。設計圖片

武漢肺炎疫情放緩,唔少學校都喺今個星期一起安排三分一學生返學半日,如果全校教職員願望定期兩星期做檢測,全校就可以恢復半天面授課程。

一向關注教育問題嘅立法會議員、實政圓桌田北辰話呀,其實好多家長都想小朋友可以返學,但而家大部份學校,都係安排到三分一學生返學,因為教職員做檢測係好麻煩,例如要去社區中心做檢測,有時間限制,唔一定book到,如果到期但做唔切檢測,學生準備好晒返學,無老師又點算?

佢話去年12月停課以嚟,學生學習進度都慢咗好多拍,如果可以復課、而又真係有啲學校成功做到檢測,咁唔夠資源嘅學校,進度只會更為落後。所以佢已經向衞生署同教育局爭取,提供資源畀所有想參與檢測嘅學校,等佢哋安排外判商幫手進行定期檢測,例如搵架車直接嚟學校幫手,希望盡快畀學生穩定學習,唔好再拖。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner