倘實名登記 市民憂成另類監控

更新時間 (HKT): 2021.02.25 02:00
■方保僑認為措施無可避免衍生私隱問題。資料圖片

【本報訊】政府推出電子消費券,惹起網民「另類監控」猜疑,憂慮消費行為受到監視及被收集個人資料。有專家相信,政府為防市民重複領取消費券,會以實名制登記,若要避過政府「反向追蹤」或洩露私隱,可選用一個自己較常用的支付工具,或審慎考慮用在哪一類型產品,甚至拒用消費券。

香港資訊科技商會榮譽會長方保僑認為,措施無可避免衍生私隱問題,「除非你從來都唔用實名登記嘅支付工具,否則一定會有啲問題」。為了避免市民重複領取消費券,相信政府必以實名制做登記,包括電話號碼、身份證號碼等資料,「唔通可以拎十張八達通去fake(欺騙)個system(系統),冇可能㗎嘛」。

可選較常用支付工具

方建議公眾可選取較常用的支付工具,「如果你平日已經用緊嚟買嘢,搭車都會用,其實都唔爭在,例如𠵱家有太多情況要用到八達通,反正你都有,用一個你比較用得多啲嘅」。若非常擔心政府會「反向追蹤」或其他私隱隱憂,「咁可能要考慮吓消費係啲乜嘢度,或者寧願唔要」。

前立法會議員毛孟靜認同電子消費券會涉私隱問題,且「由政府發放,的確有權拎資料,事實上亦要監察使用情況」,相信使用電子消費券時都會留下紀錄,「咁就睇你用唔用囉」。她雖不敢肯定政府會否以此監控市民,但不排除有關可能,「惟有諗到黃店可能會擔心,可能會睇吓邊間受歡迎,唔覺意會特別關注多啲」。

一格照片,一個故事,Follow蘋果Instagram!
BannerBanner