街市不愛嘟卡 學者:恐益超市

更新時間 (HKT): 2021.02.26 02:00
■街市以現金交易為主,能否廣泛應用消費券成疑。

【本報訊】陳茂波聲稱新一份財政預算案各項措施對本港經濟可提振2%,粗略估算電子消費券也可提振0.7%,並指消費券適用於街市。有學者指出,0.7%即額外增約200億元,對整體經濟幫助有限,最終受惠可能是超市。有監察街市組織認為,街市多是中年人和長者經營,加上政府缺乏支援和宣傳,消費券能否在街市廣泛應用成疑。

中大商學院高級講師李兆波指出,「0.7%都係政府估數,要睇啲錢用喺邊度」,由於政府未公佈計劃詳情,暫未知有哪類商戶受惠,「服務業按摩又係咪?幫狗仔沖涼又得唔得?全世界都想爭呢360億,但可能啲錢去晒超市」,結果未必能幫助有需要行業。他又指,「(計劃)360億等於疫情前香港一個月零售業銷貨額,舊年3月疫情最差都係跌咗100億」,提振0.7%即是額外多約200億元,「(經濟幫助)真係比較有限,你當補返兩個月零售業銷貨額畀平時差額」。

長者檔主:冇人教 唔識用

監察公營街市發展聯盟發言人姚靈音指出,政府早前因防疫籲街市安裝電子支付,但反應非常冷淡,「可能10檔、20檔先得一檔安裝」。街市多由中年、長者經營,而政府提供電子支付支援很少,「都係得短期資助(手續費),檔戶日後要付費,變相一啲都唔吸引」。

姚靈音引述日前到訪楊屋道街市賣玉器年老檔主稱,「完全唔識用,都冇人教」,常到街市買菜的婦女和長者亦同樣感到不便,「去街市買嘢都係急急腳走,畀完錢就走,但電子支付要㩒部機,又要開App,街市根本唔適合用」。政府幾個月前呼籲檔主安裝電子支付避免鈔票播毒已反應冷淡,今次電子支付在街市應用恐怕也無成效。

財庫局局長許正宇則表示,會與支付系統營運商商討手續費事宜。

一格照片,一個故事,Follow蘋果Instagram!
BannerBanner