黃營搵獵物 睇準不敢報警

更新時間 (HKT): 2021.02.26 02:00
■店主Max一個月內收到六張假入數紙,她指入數紙的像真度極高,銀行職員亦看不出真假。

今次中招的90後飾品店店主Max經營網店近10年,她指騙徒通常在小店最繁忙的時間下手,看準店主無暇核數,便發來入數紙乘機蒙混過關。她又指,綜合多宗騙案遇騙中招的多數是黃店,「佢專揀一啲有相當政治立場嘅舖頭,藉住大家唔敢去報警而去做呢啲嘢。」

Max透露,曾收到客人的「成功交易紀錄」截圖,最後竟收不到錢。皆因個別銀行的手機應用程式,提供轉賬及轉數快兩個選項。若用戶以轉賬形式過數時,誤輸入收款人的轉數快賬號或電話號碼,而非戶口號碼,交易便會失敗,但網頁仍會跳至成功交易的頁面。

空頭支票入賬呃出貨

「當銀行識別到唔係一個戶口(號碼),佢會彈返啲錢比客人,但客人會拎到一張已經接納你嘅指示嘅截圖」。若店主沒有再檢查銀行戶口,見圖就出貨便會中招。

Max指,另一個陷阱是支票,她指經驗之談是客人入了票亦不代表商戶收到錢,「入票第二日銀行戶口才見到個數,但啲錢係不可動用資金,銀行要一個工作天先可以將錢入落你戶口」。若對方在銀行處理期間轉走戶口的錢,便會變成不能兌現的空頭支票。

Max續稱,曾聽聞有商戶以支付寶收款,系統顯示交易成功但卻仍是收不到錢,「真係唔知點解,可能係軟件問題,可能咁啱網絡嘅問題或機件失靈」。商戶致電支付寶公司詢問,對方亦未能解釋原因。

一格照片,一個故事,Follow蘋果Instagram!
BannerBanner