安心無通知 名潮食客:嘟嚟冇用

更新時間 (HKT): 2021.02.26 02:00
名潮食館

【本報訊】食肆群組爆發令食客人心惶惶,惟政府未能急市民所急,疫廈名單資料缺失,僅列一名食客曾到訪爆疫食肆「名潮食館」;有食客按政府要求以「安心出行」留紀錄卻無獲通知,質疑程式無助追蹤或抗疫。

政府日前對名潮食館發強檢公告,呼籲食客盡快檢測。從事貿易的李先生本月20日曾到訪該餐廳,亦有以安心出行留紀錄,惟至昨日仍未收到任何通知,亦沒有政府人員致電要求檢測,質疑程式無助追蹤或抗疫,「以為間餐廳出事會通知我,原來唔會,都唔知嘟嚟做咩,以後都唔會用」。

李先生表示會自行到社區中心檢測,「如果有人唔睇新聞點算?要中嘅五分鐘都中咗」。

嬰兒檢測無門

另一位名潮食館食客在社交媒體發文表示,其10個月大的嬰兒未能吐出深喉唾液,欲改為以糞便樣本瓶替嬰兒採樣檢測,卻慘變「人球」,不同部門相繼推搪責任,未協助她拿取樣本瓶,「武肺都咁耐,𠵱家都冇指引合理咩,唔好彩我真係中咗招,不停咁撲樽傳染到人係唔係你負責? 」

衞生防護中心的疫廈名單亦再現缺失,名潮食館群組首名確診者周三確診,但同日未見疫廈名單中有顯示名潮食館資料。至昨晚,中心也僅列出其中一名確診食客曾到訪該處。

油尖旺區議員朱子洛表示,為街訪整理疫廈名單時,發現更新緩慢情況時有發生,十分無奈,明白中心或人手不足,「唔夠人咪加緊急職位,當預算案比國安、警察嘅開支咁多嘅時候,係咪反而忽視咗呢啲民生開支呢?」

一格照片,一個故事,Follow蘋果Instagram!
BannerBanner