石硤尾強檢排長龍「政府欠周詳」

更新時間 (HKT): 2021.02.28 02:00
■石硤尾臨時採樣站昨早已有逾百名街坊排隊輪候。

【本報訊】石硤尾邨成為強檢大廈重災區,因22座有確診個案,連帶附近第21、23及24座同被納入強檢,加上美薈樓,共五幢大廈居民須檢測。昨早有逾百名街坊排隊檢測,人龍圍着球場的臨時採樣站打圈。有街坊不滿只得一個檢測站,批評政府辦事欠周詳。

街坊轟擾民

政府在石硤尾邨23座對開球場設立臨時採樣站,昨早9時採樣站未開放,已有逾百名街坊排隊輪候,人龍圍繞球場打圈。因人數眾多,排隊市民亦未有保持1.5米安全社交距離,恐有播毒風險。不少街坊對一人確診而受牽連要檢測,感到十分無奈,但也只能接受。其中林先生認為,四座大廈相通有傳播病菌的風險,「四幢樓通㗎嘛,(病毒)有機會走去其他座數」。

街坊鍾先生則批評檢測站不足,「一戶三個人計,你話幾多個人吖?」又指「一個球場做嘢,啲人冇話1.5米距離㗎喎,咪仲危險」。他批評政府辦事欠周詳,「政府冇考慮過所有嘢而去決定做一樣嘢㗎,檢測唔緊要,人人樂意同你做,問題係你做法係咪好擾民呢?噚日夜晚12點先刊憲話做!」

一格照片,一個故事,Follow蘋果Instagram!
BannerBanner