初選大搜捕︱專訪︱背負國安案 李國麟:不再參與政治活動

更新時間 (HKT): 2021.03.01 14:11
李國麟對於現屆政府,只能以四字回應:無言以對。

眼見同樣於荃灣警署就初選案報到的民主黨尹兆堅、新同盟譚凱邦等,先後被警方邀請入房後不獲保釋。衞生服務界初選參加者、原衞生服務界立法會議員李國麟坦言,等候期間心情極度沉重及無奈,「睇到逐個逐個入咗去,自己就喺度等,好多uncertainty(不確定性),唔知發生乜嘢事」。最終成為8名暫未被起訴者之一,李國麟坦言「理解唔到政府條(紅)線係點樣」;對於現屆政府,他以四字回應:無言以對。

有分析指,暫未獲起訴的8人中,7人為初選參加者,除了沒有簽署《墨落無悔》聲明,也因其界別未有初選協議而暫時甩身。一直反對攬炒的李國麟是其中一員,續保後翌日他接受《蘋果》電話訪問指,上周五被香港國安處告之要提早報到後,即與律師和家人商討,為可能面對的法律程序做準備,亦安排教學工作,盡量生活如常。

他坦言,香港近年的政治氣壓「前所未有咁低」,很多香港人都感覺「唞唔到氣」,但相信香港人回歸前後多年,「都有我哋嘅初心、我哋嘅睇法,希望大家撐住」。

「對政府無言以對」

一直為溫和民主派,2004年當選立法會後,與歷屆特區政府也有偈傾,事隔十多年,政治形勢急變,李國麟說:「我經歷咗咁多屆政府,由2004年進入立法會,同政府有交往同接觸,到而家呢一屆嘅政府,我只可以講:無言以對。」問到未來還會否參選?他表明不會再參與任何政治選舉及活動,「因為我自己覺得係退落嚟嘅時候,同埋睇返而家嘅情況,睇到而家呢個政府嘅做法,都感到好無奈」。

記者 林俊謙

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner