47民主派提堂︱聆訊漫長至親與同路人格外痛心 長毛妻:隔住玻璃望吓都唔得

更新時間 (HKT): 2021.03.03 21:54

初選案提堂聆訊持續3天,法官表明預計今晚不會有保釋結果,被告岑敖暉太太余思朗表示,聆訊太過漫長,對家屬、律師及記者而言都不是好事,目前主要擔心各被告的精神及健康狀況,「4日冇換過衫,聽日又唔知搞到幾點,如果冇得保釋又唔知幾時送到物資」,對於保釋結果,余稱有兩手準備及已作心理預備。

余又表示,知道岑敖暉等人今早有看報紙,並引述岑指,知悉這幾天法庭外的狀況,對有很多人前來支持他們,感到鼓舞。

另一被告社民連梁國雄黨友兼太太陳寶瑩亦批評,聆訊漫長對被告而言是一種煎熬及造成不利,「壓力全部擺晒喺佢身上」,她指,知道早前一度入院的梁國雄現時身體狀況尚可,「我哋根本見唔到佢,都係隔住個庭連想隔住玻璃望吓都唔得,呢個都係唔合理地方,我哋起碼有權喺法庭見到佢打個招呼」。

指伍健偉精神轉差 林進:無了期拖落去 非常唔公平

元朗區議員、天水連線林進稱,連日來的審訊非常折磨,特別聆聽部份人自辯的內容,「更加能感受到佢哋呢段時間(受)折磨,用盡所有方法保釋岀嚟,希望可以換取短暫自由。」他表示,收到伍健偉的消息,他今早終能洗澡,惟精神情況開始轉差,「佢喺入面好凍,遇到待遇好差,令我哋好心痛。」他續說,天氣轉涼,相信部份被告的衣物未必足夠,惟程序上,他們不能替換衣物。「無了期拖落去,對佢哋非常之唔公平。」他指出,他們一眾成員連日來繼續旁聽,希望可以陪伴他。

他提到,連日來聽審,聽到他們在庭上所說自辯內容均感到心痛,哽咽地道:「香港搞成咁地步,佢哋做錯啲咩,佢哋用盡所有積蓄,只希望換嚟短暫自由。」他希望,其他香港人能站岀來支持他們,「大家可以話俾佢哋知,佢哋唔係一個人。」

吳文遠料長毛不適仍堅持到庭 是要陪伴其餘46人

社民連吳文遠形容,連日「馬拉松式」的審訊「不足外人道」,難以想像他們的辛苦,惟相信他們40多人意志堅定,一定會繼續撐下去。被問到社民連梁國雄的身體情況,吳文遠表示,梁的身體情況一直不太好,相信他堅持來法庭岀席聆訊,是希望在犯人欄陪伴其餘46人,「我最希望佢(梁國雄)可以準時食嘢。」被問到想對47人的說話,他表示:「幾百萬個香港人到呢一刻,都撐住佢哋,我相信只要一日冇忘記當初上街信念,相港信全香港人一定會堅持落去。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner