初選大搜捕︱專訪︱鄺俊宇:強大先可以撐過去 做得幾多得幾多!

更新時間 (HKT): 2021.03.03 00:01

眼前的鄺俊宇,眼皮下垂,面露疲態,他周日(2月28日)獲續保離開警署回家後,就連續兩天不眠不休為支援被捕民主派及其家屬奔走,在受訪前才短暫補眠3小時。周一初選涉違《國安法》案開庭,他上午7時已到場排隊輪候聽審,翌日續到法院聲援:「我幾辛苦都好,都唔及其他(被告)嘅朋友辛苦,我喺外面會做得幾多得幾多。」暫時甩身的鄺苦笑道,明白要笑着面對風雨其實很難:「所以我呢幾日都係loop住句歌詞:『強大先可以撐過去』......呢句係真嘅。」

記者 林俊謙

身穿黑色上衣的鄺俊宇一臉倦容,昨天(2日)連續第二日到西九法院聽審,希望記下案件重點,協助被捕人士。他接受《蘋果》訪問指,周一開庭首日,一直留守至凌晨2時多,其後接載被捕者之一、當晚凌晨在庭上不適送院的楊雪盈的家屬到醫院,了解楊的最新情況。

市民助充電 勿忘常喝水

「馬拉松式」聽審期間,鄺因為不想離開法院太遠,全日只吃了一件朋友送上的三文治,也忘了有沒有常喝水:「呢啲辛苦其實係微不足道,因為個無力感其實係好重好重,但係個無力感幾重都好,我哋一定要堅強。」他特別感謝周一在法院為他「充電」的多名熱心巿民,「我電話無電,要感謝超過6個巿民,借咗6個唔同嘅(電話)『尿袋』畀我,我電話(電池量)由0去返100,再變返0又去返100,重複無電咗7次」。

暫時仍未被檢控的僅有自由下,鄺明言最優先工作是為被捕者家屬提供支持,指政權折騰之下,家屬與被捕者一樣難受,「最緊要係畀啲溫暖唔同嘅人」,直言:「我唔知道喺外面係咪可以走多幾多步,我覺得走得幾多步,就幾多步,朋友有乜嘢所託,我都盡量幫手做。」而在支援過程中,他感受到香港人真的很堅強。

「唔諗選舉 我最想各位平安」

對於已對香港失去希望的香港人,鄺稱,自己從來都希望能笑着面對不同風雨,但知道實際上其實很難,他也連日哼着黃偉文填詞的《多喝水》其中一句「強大先可以撐過去」,自我振作。大批港人周一到法院外聲援,鄺相信香港人對47名民主派被捕有同一感受:「我相信無論而家個情況點樣都好,大家都係在一起。」

談到暫時未遭《國安法》檢控,鄺稱根據律師意見,不便評論案情。至於還會否參選立法會?他說:「我覺得要應付咗眼前呢個最大嘅困難先,唔需要諗(選舉)住嘞,最緊要如我一向嘅風格,我最想都係各位平安,好人一世平安。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner