47民主派提堂︱聲援者風雨中自發派物資互撐 七旬翁哽咽:我只係做到呢啲

更新時間 (HKT): 2021.03.04 18:08
本報記者攝

2019自由之夏,在衝突前線抗爭的,是那不畏強權的年輕人身影;2021初選大審判中,在警察面前擔當「前線」、同路人身後擔當「後勤」的,則是那老而彌堅的身影。今日下午的西九龍裁判法院外,仍有大批市民捱風抵雨等待47人的審訊結果,茶、暖貼、傘、飯盒、漢堡包、湯水,你想到的物資,都會突然有人以親手遞上。康先生是有份向排隊市民派發樽裝茶的有心人之一,今年已七旬的他,每次提起年輕人都會不禁哽咽:「運動我都有出去,睇住啲𡃁仔俾佢哋打⋯⋯真係自己做唔到,惟有幫手派吓嘢。」

連續第四天到場聲援的康先生,今日在法院外將一樽樽印有「香港人加油」的樽裝茶,親手向其他同路人送上。外表硬朗的他,提到香港發生的種種不公義,亦不禁眼泛淚光,「我而家70歲⋯⋯仲做到乜嘢?運動我都有出去,睇住啲𡃁仔俾佢哋打!真係自己做唔到,惟有幫手派吓嘢,我只係做到呢啲」。他又指,自己連日到場,是為了聲援47名初選被捕者,「依家香港政府係做到諗吓都有罪!仆街,呢個政府係咩政府呀?」

堅守香港鬥長命:睇住中共滅亡!

康先生形容,今次47人所負上的是莫須有罪名,故對他們能否獲保釋感到不樂觀,又狠批《國安法》紅線太闊,「講一句一生平安都有罪,仲可以點樣?」在訪問中,不時都會感受到康先生對香港的絕望,他更着年輕人不要留在香港,「有能力真係要走」,但表示自己不會考慮移民,會堅守在香港,「留喺度希望同佢鬥長命,睇住中共滅亡!」

同樣是連日到場的吳小姐,在過去數天的聲援中留意到法院附近並沒有食肆,今日特意到黃店購買麵包到現場派發,「大家醫吓肚,同埋係一個鼓勵,嗰樣嘢係咩其實唔重要,其實係個心意」。她指,即使在目前的社會氣氛下,仍然有不少人無懼紅線挺身而出,認為自己亦有責任出一分力,讓同路人不會感到孤軍作戰,「我唔止係想成為支持人嘅一分子,亦都係想被支持」。

相比47人 自己沒有資格放棄

在《國安法》下,港人在舉手投足前,都不禁會自我審查,吳小姐承認,自己派麵包、甚至在到場聲援前,「都要自己打心理戰,唔知道會唔會惹麻煩」。但她強調,相比身陷囹圄的47人,自己「冇資格驚、冇資格攰、冇資格放棄,佢哋都未放棄,我哋完全冇呢個資格,佢哋承受嘅比我哋更多。」

吳小姐又引述一位來自杜拜的黃店老闆說:「自由可能真係會消失,但當你仲可以堅持嘅時候,就唔可以放棄,呢個係你嘅權利。」她指,這句說話一直都緊記在心中,希望可以感染其他同路人,「就算可能最後都係徒勞無功,但係最少自己盡咗力」。

市民派黃傘遭警截查:獨裁政權覺得好特別

陳小姐今日在法院外向同路人派發黃色雨傘,被問到為何兩次到場聲援,她毫不猶豫地說:「因為我有良心。」她續指,來到法院現場的人都知道,今次是不公義的審判,故自己到場聲援亦是為了公義。法院今日全日都下着濛濛細雨,陳小姐向同路人派傘時一度被警員截查,她形容,自己派傘只是基本人性所為,「好似見到小朋友跌咗落井都會救起佢,啲人喺度咁好咁有心排隊」,又表示其實自己的舉動毫不特別,「只不過啲獨裁政權覺得好特別⋯⋯黃色係就嚟變咗禁色」。

傍晚5時多,數名巿民拿着兩大個裝滿熱水的熱水壺,為在西九法院外冒着風雨等候保釋裁決的巿民和記者,送上熱湯、薑茶和飯團,並稱:「主要畀啲巿民同記者,因為呢幾日大家都辛苦喇。」亦有數名巿民自費買來多個飯盒,向在場人士分發,並稱:「咁樣做我會舒服啲。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner