開心見誠:性格問題不能用藥物解決(李德誠)

更新時間 (HKT): 2021.03.05 02:00

「醫生,我覺得我最近呢半年病情無乜進展,我最初嚟睇你嘅時候,頭一、兩個月,好得比較快,之後都有進步,但係由大概半年開始,病情好似無再好落去喇,你可唔可以幫吓我呀……」覆診時,P跟醫生說。

醫生聽到後,覺得很奇怪,P最初是因為焦慮症而求診,其實P的焦慮症已有十多年,之前試過斷斷續續的服藥,但因為沒有恒心,「食吓停吓」,所以一直沒有根治,大概一年前,P下定決心,今次服用的藥物,無論時間和份量都足夠,所以從半年前開始,P已經沒有半夜醒來,頭痛消失了,胃口也回復正常,無故不開心或緊張的情緒也好了,有心機工作,以前沒有細藝,現在也開始培養新的興趣,所以,其實可以說,P的焦慮症已經完全康復過來,所以醫生要P舉一個例子,看看病情無進展到底是甚麼意思。

「例如我去飲喜酒,有啲朋友明明係識,但係好似講兩句,敷衍一下就算,我覺得佢哋好似唔尊重我囉,咁我返到屋企就會諗好多,返工嘅時候就無嘢,又或者我會專登去睇電視等自己唔使諗,但係如果我無嘢做一坐低落嚟,我又會諗返呢啲經歷……」

「哦,咁你呢啲其實唔係病情喎,係性格先啱,會唔會係擺唔得低,又或者係一種執着呢?」醫生說。

醫生跟P解釋,其實他的病情已經完全康復,P所指的,其實是性格的問題,焦慮症可以服藥醫治,但藥物不能改變性格,所以醫生跟P解釋,第一,不用擔心病情未康復,第二,要留意自己性格的問題,需要慢慢一點一點「執」,雖然不可能短時間內改變過來,不過如果有決心的話,這些「壞習慣」,其實可以改掉。每次出現這些想法時,可以跟自己分析一下,看看究竟事情是否真的那麼嚴重,可否用一個較正面的方法去理解,如果能夠經常這樣做,很多時候以往的執着和不願意放低的性格,便能慢慢糾正過來。

「我都明㗎,其實我呢個病都係因為性格引起,如果我呢個性格唔改,始終第日都仲會有問題。」

醫生很高興P明白這個道理, P能夠看到病情和性格的關係,又願意改變的話,他的情緒病才能夠徹底根治。

http://fb.me/1486drlee

李德誠 精神科專科醫生

一格照片,一個故事,Follow蘋果Instagram!
BannerBanner