婆婆日日撐場:已把被告當骨肉

更新時間 (HKT): 2021.03.07 02:00
■郭婆婆一直參與聆訊聲援行動。

【本報訊】保釋覆核案再次有數以百計同路人專程到庭支持一眾被告,逾150張公眾席籌號於早上8時半前派發完畢。前一晚才獲釋的楊雪盈、呂智恆亦有到庭聽審。有長者日前參與西九龍法院的馬拉松聆訊聲援行動,昨日又來到撐手足,說是「我哋唔支持咁點得呀?共產黨最唔鍾意睇嘅嘢,我就專登就做。」

「中共唔鍾意嘅我就專登做」

10時開庭,早上約8時,已有數十人在法院外排隊取籌。 年屆71歲、滿頭白髮持柺杖的郭婆婆,早上8時已到達高等法院門外排隊取籌。日前在西九龍法院的世紀馬拉松審訊,她參與了三場,「真係太攰,但第四日好夜先肯走」。她表示會繼續身體力行地支持所有初選被告,「我哋唔支持咁點得呀?共產黨最唔鍾意睇嘅嘢,我就專登就做。」

雖然不是被告親屬,但郭婆婆早已把他們代入成自己的骨肉,「成日話我哋顛覆佢哋(中共),我哋何德何能呀?我哋又冇軍隊又冇炮,根本就自己喺度恐懼。」

陸先生及黃先生同樣在8時已經來到,但是他們沒有打算入法庭內旁聽,希望盡量為被告家屬預留座位。陸先生表示,兩人都會等到三場聆訊結束後再送囚車,「想佢哋(被告)知道有人等緊佢哋,相信佢哋多少都有情緒困擾,想做多啲。」

兩人早前亦有到西九龍法院聲援47名民主派,黃先生說,雖然到庭聲援要花一定心力、會感到疲倦,但比起被告承受的都是微不足道,「佢哋更攰,喺入面飽受心理壓力。」

另一聲援人士曾先生則表示到場支持手足,為眾被告打氣,希望他們能支持下去,想對他們說「無論呢度定出面都有好多人撐你哋」。他對聆訊結果不感樂觀,「𠵱家法治情況咁樣,只能話大家都要堅強。」

一格照片,一個故事,Follow蘋果Instagram!
BannerBanner