全面管治權︱人大今密議閹割選舉方案料周四表決 譚耀宗:完善後就行返條正路

更新時間 (HKT): 2021.03.08 12:15

全國人大會議今日進入分組會議討論《關於完善香港選舉制度的決定草案》,全國人大常委譚耀宗今早在電台節目稱,據其經驗,決定內容未必在今日公佈,預計周四(11日)表決,現階段不能公佈詳情。譚被問到今次政改大幅修改選舉制度的做法,政府如何諮詢港人意見時,僅稱主管港澳事務的副總理韓正昨已稱在特區政府「搵咗好多人傾」,又指其接觸的人士中很多人贊成「愛國者治港」,否認方案倒退。

譚其後再於傍晚指,已經閱覽「完善香港特區選舉制度」的草案文件,目前不能透露內容,但他指,當中只屬原則性決定,雖然有提及數字,但具體議席分布要留待人大常委會再決定。他相信,人大常委會很快會開會,亦未必需要進行很多次會議。有民主派認為中央今次改動非但未能達到目的,隨時將香港「搞到一鑊泡」。

譚耀宗今早重申韓正昨日會見港區人大代表,提到中央出手改變選舉制度,是鑑於03年起至2019年的反修例風波等事件令「一國兩制」受衝擊,認為是在外國勢力影響下的「顛覆與反顛覆」鬥爭,更涉奪取政權的問題,故除訂立《國安法》令香港社會穩定,繼而再「完善」選舉制度,以防再發生類似2019年「黑暴」事件,「畀機會人哋可能通過喺立法會攞到多數議席嘅時候,會癱瘓政府、挑戰中央,咁『一國兩制』就行唔落去。」

譚不認同有意見指今次的決定草案是民主倒退,指中央一直有誠意希望香港實現普選,又稱信中央覺得第一、二屆立法會的選委會議席「行之有效」,故決定加大他們的權力,聲稱中央非要搞「一言堂」。

「中央要加安全系數」

問到中央突然走回頭路大增選委會議席,如何能體現香港政制發展「循序漸進」時,譚稱2014年人大8.31決定下的政改方案遭否決,並爆發佔中事件後,中央得悉政制發展向前行「條路行唔到」,甚至帶來更大社會矛盾,其後出現2019年的社會事件,「所以而家會唔會我哋經過而家呢個完善,改善之後,我哋行返條正路、行返條比較健康,而最後達致基本法第45條、68條嗰個普選目標。」

至於立法會連直選議席亦要大幅減少,如何達致最終普選目標,譚未有正面回應,只重申有問題出現時,就要按實際情況調整,形容中央覺得香港現時「被人利用咗」,故要「加返啲安全系數」。

劉慧卿:建制派雙重國籍點揀愛國愛港嘅人出嚟?

民主黨前主席劉慧卿同於港台節目指,今次的選舉「改革」是中央想牢牢操控整個局勢,並引述學者質疑,不少政協及建制派都有雙重國籍:「係咪佢會幫你揀啲愛國愛港嘅人出嚟?係咪幫到中央做想到嘅嘢呢?」認為改革非但隨時不但未能達到目的,更會將香港「搞到一鑊泡」,又引述有人覺得經過今次改革,香港已經不再是香港,而是變成「南深圳」。

她又指,香港有很多「忠誠廢物」多年來都未能解決香港的深層次矛盾,希望中央能真正聽取各界意見,知道大部份港人不想推翻中央和特區政府,亦是「愛國愛港」,「佢哋係想有表達嘅自由,我哋可以選出自己嘅政府,去處理香港嘅問題,贏返啲民心,咁得唔得呢?」

當年有份促使通過「超區」政改方案的劉慧卿又指,取消「超區」方案不理想,指當年「超區」的一人兩票方案其實是「胡志偉方案」,又批評政府日後成立審查議員資格的委員會,「你話變咗係咩呢?對於呢啲議員仲有咩尊嚴呢?點樣去代表民意呢?」她明言至今不認為香港「玩完」,「我哋有人喺度、有燈喺度,點會無啫?我哋好多人都係好愛國愛港,我哋繼續會出聲、繼續會講嘢,更加希望有機會可以和平理性非暴力去示威,直至畀人拉哂,咁咪無聲出囉!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner