李八方online︱懲教署溫馨提示林卓廷「小心碰頭」

更新時間 (HKT): 2021.03.08 13:36
林卓廷最為人記得一定係佢6呎4嘅身高。小圖為林卓廷Facebook圖片

因為初選被控串謀顛覆國家政權罪嘅民主黨林卓廷,最為人記得一定係佢6呎4嘅身高,「高佬廷」呢個名點會浪得虛名?就連連被囚,都係好似漆黑中嘅螢火蟲一樣咁出眾(大家冇理由唔記得,佢去年7.21喺元朗站被警察包圍時,高舉5.1手勢嗰下氣勢)。

林卓廷Facebook專頁小編最新出po,話懲教人員因應阿廷太高,特別喺倉頂貼左個「小心撞頭」嘅標誌,「唔知係咪希望阿廷喺赤柱頂住嘅同時,個頭唔好唔小心頂到個倉頂?」點解要同大家分享呢件小事?小編話呀,無非係因為想大家喺艱難時刻都識得笑下,指阿廷都唔會想大家終日愁眉苦面。

佢亦代阿廷同大家講,如無意外,懲教署即將解除佢嘅強制保護令,即係代表佢會轉返入大倉度瞓覺;而市民若有咩想同阿廷講,可以inbox佢哋代為轉達。最後小編都繼續呼籲,阿廷身負多宗案件,希望大家換個方式繼續支持佢(課金支持林卓廷Patreon)。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner