隔牆有耳:普通話治港 紫荊黨謀參選特首選委(李八方)

更新時間 (HKT): 2021.03.09 02:00
李山

北京要向香港選舉制度開刀,其中會喺負責選特首嘅選舉委員會增加以政團組織為主嘅新界別,明顯係要擺多啲更紅更左嘅愛國者入去,唔好畀喺其他界別有唔少選委票嘅地產商做king maker。早排由一班海歸派組成嘅「紫荊黨」,亦唔執輸講明要染指香港各級選舉。

李山認唔識講廣東話

身為全國政協委員嘅紫荊黨創黨主席李山接受香港電台訪問時就話,個黨同其他建制派政黨係「同路軍」,黨員會爭取參加立法會、特首選委會選舉,仲會爭取加入政府執政團隊等各個政治架構。

雖則佢話係建制政黨「同路軍」,但見中聯辦控制嘅《大公報》、《文匯報》等一直冇幫呢個新黨造勢宣傳,建制都好懷疑係咪阿爺點許佢哋出嚟分一杯羮,承認唔識講廣東話嘅李山話,作為個人,日後為咗同港人交流,「肯定會學廣東話」,但佢都補充一句,唔識廣東話都唔會妨礙對港人嘅服務,反指:「如果你連說普通話的人也不接受,不允許他們為市民服務,我覺得這樣的城市不會是國際化的大都市。」李山話有人標籤佢哋個黨,如「新港人黨」、「海歸黨」,強調建黨目的係建設大家共同家園,仲賣口乖稱紫荊黨嘅顏色,就係「愛國」。

李八方

一格照片,一個故事,Follow蘋果Instagram!
BannerBanner