隔牆有耳:「信阿爺 打科興」阿伯火了(李八方)

更新時間 (HKT): 2021.03.11 02:00
■網上流傳BioNTech復必泰注射中心外有橫額「提醒」藍絲「信阿爺 打科興」。李俊晞fb圖片

自從有打完科興疫苗嘅人士幾日後忽然死亡或者入ICU,好多原本支持國貨嘅長者都縮沙,臨時唔去打科興,雖然政府專家公開話死亡case絕大部份唔直接關疫苗事,但你有你講,市民有市民唔打科興,特別係當見到前特首曾蔭權、首任終院首席法官李國能都打BioNTech,更加令班長者對科興卻步。

愛國橫額現復必泰注射中心

不過有人似乎想提醒啲愛國愛港長者,要打疫苗就要打國貨,有網民上載照片,相信有人喺打BioNTech復必泰注射中心掛橫額,「提醒」愛國愛港藍絲,呢度係打BioNTech,叫佢哋「信阿爺 打科興」,「請移玉步」去科興注射中心打疫苗。

呢張相喺網上瘋傳,深水埗區議員李俊晞喺佢fb貼咗張相,有個阿伯竟然掹爛呢張橫額,有網民話紅衣阿伯件風褸,好似某建制政團制服,又有網民話愛國愛港長者係咪唔信中國唔打科興先?可能犯國安法喎!點對黨忠誠呀!

一格照片,一個故事,Follow蘋果Instagram!
BannerBanner