祝君毛巾須符厚度 魷魚絲限7克裝

更新時間 (HKT): 2021.03.11 02:00
■石牆花職員阿甘是前臻辦職員,一直跟進囚權、探訪工作。

現時還柙和在囚人士可透過親友探訪,由到訪者送上懲教署網頁所載,「認可交來物品」清單上的物品,而只有還柙人士可以「入零食」。不過,有心人預備的物資袋每樣物品得來不易,石牆花職員阿甘指,物品十分刁鑽,網頁亦沒有列出所有要求,常常直到探訪一刻彈回頭,家屬才得悉買錯物品,令獄中人白等一天。

記者選取清單數項物品實測,在新蒲崗一帶,嘗試找到清單上的「史激它(Skeeter)」12片裝驅蚊貼,到過兩間便利店、三間超級巿場均沒有出售。而「祝君早安」毛巾即使有售,細看條碼亦發現全部不符規格,網頁只寫明「75厘米x35厘米,白色」,但阿甘指,必須是「AA0008BY」厚度才合格。

阿甘說,較難集齊的「M&M’s」40克裝朱古力、「金龜嘜」7克裝魷魚絲、護舒寶40片裝超薄衞生護墊,測試中沒有一間商店集齊三者,而便利店的朱古力,更是價錢牌寫40克,包裝卻是37克,換言之不能用以探監。

「以為80年代零食展」

「以為80年代零食展呀?譬如呢啲7克裝魷魚絲,唔好講話巿面上,連零食供應商都未必搵到。例如200毫升潤膚油,同款但英文字就唔得,一定要中文。」近來因需求增加,阿甘說坊間更有還柙人士物品套裝售價加價至1,300元,「唔知究竟係咪真係咁困難,去換一啲比較新啲、update嘅用品畀家屬去搵呢?」

首次探訪的家屬,阿甘說:「通常都建議申請信封、郵票、信紙、收音機先,等佢有多啲方法接收資訊、溝通;仲有眼罩,夜晚瞓覺時會舒服啲。」部份物品例如郵票由家屬提供,收音機等則要到院所入錢購買,通常申請獲批後會收到福利官來電通知,探訪時亦可習慣帶備現金零錢。

他亦提醒,疫潮下新增每月30個口罩限額,但同樣要留意款式,「顏色要係淺藍、淺綠、白色,唔好有圖案、文字」。

一格照片,一個故事,Follow蘋果Instagram!
BannerBanner