有人棄票明志 有人冀守住最後堡壘

更新時間 (HKT): 2021.03.12 02:00

手機用戶請按此放大圖表

【本報訊】中央出手干預香港選舉制度,本港民主政制一夜倒退,上屆立法會選舉的五彩政治光譜或只剩下紅色。不論「首投族」或資深選民均大感灰心,有人明言寧願棄票明志,不願參與名存實亡的選舉。

就讀恒生大學、22歲的李同學原本十分期待來屆的立法會選舉,得悉新選舉方案後表明不會投票,認為議席已被政府操控,「拎住張票都唔知投咩好,投邊個都好似係投畀中共,寧願唔投去表達自己意見」。

李同學預見在此制度下,民主派及小型政黨將難以入閘,無力抗衡偏重中央的政策,「政府唔係按香港民眾意願做嘢,成件事本末倒置,香港變得越嚟越唔似香港,越嚟越黑暗」。

年輕人︰有生之年難有民選特首

對於林鄭辯稱改革選舉有助解決近年立法會以至社會問題,今年20歲的賴同學直斥虛偽,「唔會信佢講,佢只係冠冕堂皇包裝件事,想兜到佢要嘅效果」,認為現時的選舉制度「只係一場戲,做畀佢嘅支持者睇」,亦明言不會投票。

中學生林同學更悲觀,認為有生之年香港均未能民選特首,但對於中央出手干預選舉制度不感驚訝,「可能已經慣咗呢種感覺」,笑言自己「可能要做港豬」,長大後或會移民至民主體制較完善的地區。

不過,仍有年輕人冀以選票守住最後的堡壘。正就讀理大電腦系的張同學形容立法會已「名存實亡」,但認為仍有必要用選票反抗,「先唔好放棄表達嘅機會同權利,幫得幾多得幾多……唔想連最後嘅希望都冇」。

至於一向有投票的選民,亦與年輕人一樣,對選舉大感灰心。現年55歲的鄭先生已成為選民多年,但表明往後「唔會投票,全家人都唔會」,無奈指港人並無選擇權,「我哋𠵱家喺人哋嘅屋簷下,人哋話點做就要點做」,亦坦言沒可能可達至港人治港。

一格照片,一個故事,Follow蘋果Instagram!
BannerBanner