寫給47人的家書︱譚文豪,對不起!

更新時間 (HKT): 2021.03.12 00:01

47名民主派因參加初選被控違反《國安法》下的串謀顛覆政權罪,至今只有5人,包括黃碧雲、劉偉聰、呂智恆、楊雪盈及林景楠獲准保釋。不見天日的歲月,或者很漫長,《蘋果》邀請牆外的人,將思念化為家書,默默向被囚者打氣。

Jeremy:

太多人叫你飛機師,但一直都係叫你Jeremy,或者直呼你全名,因為飛機師都明明落咗地,去咗選立法會議員。

新年前因緣際會「黐」車返屋企,短短車程都係問吓「又報到嘞、心情點呀?」嗰時都未知初選涉及嘅國安案提早2月28日就要報到。見你當時都係從容(至少表面上),都話而家乜都估唔到,惟有盡力做得一日得一日;雖然故作從容,都聽得出擔心屋企人,尤其一對仔女,嗰下聽到都心酸,因為大家都同樣,對好多嘢都掌控唔到。

突然諗起自己一件好「不該」嘅事,非常sorry,之前你去屯門「開工」為餐廳做義工,我就嫌好遠、唔肯去「捧場」;而家你喺荔枝角(收押所),喺九龍區嘞、好近嘞,咁又點?近咗但其實遠咗。等待你回來,食足一日三餐。

九東街坊

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner